Morbi તા. 15
મોરબીમાંથી કાર લઈને બાળ કિશોર પસાર થઈ રહ્યો હતો જે કારને રોકીને પોલીસે ચેક કરી હતી ત્યારે તેમાંથી દેશી દારૂનો જથ્થો મળી આવેલ હતો જેથી પોલીસે દારૂ અને કાર મળીને 5.15 લાખનો મુદામાલ કબ્જે કરેલ છે અને આ ગુનામાં મહિલા સહિત ત્રણ આરોપીને પકડવા માટે તજવીજ હાથ ધરી છે.
વીસીપરા મેઇન રોડ ઉપરથી કાર નંબર જીજે 3 એમઈ 9959 લઈને બાળ કિશોર પસાર થઈ રહ્યો હતો જેને રોકીને પોલીસે કારને ચેક કરી હતી ત્યારે કારમાંથી 75 લીટર દારૂનો જથ્થો મળી આવ્યો હોય પોલીસે 15,000 રૂપિયાની કિંમતમાં દારૂ તથા 5 લાખ રૂપિયાની કિંમતને ગાડી આમ કુલ 5,15,000 ની કિંમતનો મુદ્દામાલ કબજે કર્યો હતો .
અને કાયદાના સંઘર્ષમાં આવેલ બાળ કિશોરની પૂછપરછ દરમ્યાન માળિયા વનાળીયા સોસાયટીમાં રહેતા મુસ્કાનબેન અબ્બાસભાઈ કટિયાના કહેવાથી અજાણ્યા શખ્સ પાસેથી ગાડીમાં દારૂ ભરીને નવા જાંબુડીયા નજીક નરેશભાઈ ઇશ્વરભાઈ ખરા નામના શખ્સને દારૂનો જથ્થો આપવા જતો હોવાનું સામે આવ્યું હતું જેથી કરીને પોલીસે હાલમાં આ બનાવ સંદર્ભે મોરબી બી ડિવિઝન પોલીસ સ્ટેશન ખાતે ગુનો નોંધીને મહિલા સહિતના ત્રણ આરોપીઓને પકડવા માટેની તજવીજ હાથ ધરી છે.
એક બોટલ દારૂ
મોરબીના લાતી પ્લોટ શેરી નંબર 4 માં ભવાની બેકરી પાસેથી પસાર થઈ રહેલા બે શખ્સ પાસેથી દારૂની એક બોટલ મળી આવતા પોલીસે 1300 રૂપિયાની કિંમતની દારૂની બોટલ સાથે આરોપી જયપાલસિંહ વનરાજસિંહ જાડેજા (33) રહે. રવાપર રોડ સદગુરુ સોસાયટી મોરબી તથા અભિષેક ઉર્ફે અભી પ્રવીણભાઈ સંઘાણી (25) રહે રવાપર રોડ પ્રમુખ રેસીડેન્સી મારુતિ એપાર્ટમેન્ટ ધરપકડ કરી હતી અને તેની પ્રાથમિક પૂછપરછ દરમ્યાન હિરો નામના શખ્સ પાસેથી દારૂની બોટલ મેળવી હોવાનું સામે આવ્યું હતું જેથી ત્રણેય સામે ગુનો નોંધીને રાબેતા મુજબની કાર્યવાહી કરેલ છે.
120 લીટર આથો
માળીયા તાલુકાના નવાગામની સીમમાં ચેકડેમની પાળ પાસે બાવળની કાંટમાંથી 120 લીટર આથી મળી આવતા પોલીસે 3,000ની કિંમતનો મુદ્દામાલ કબજે કર્યો હતો અને આરોપી યુનુસુ અબ્દુલભાઈ જેડા (42) રહે. નવાગામ વાળાની ધરપકડ કરી હતી.
રીક્ષા ચાલક સામે ગુનો નોંધાયો
મોરબી નજીકના નવી ટિંબડી ગામે રહેતા મુનેશભાઈ નાનજીભાઈ પરમાર (42)એ સીએનજી રીક્ષા નંબર જીજે 36 ડબલ્યુ 1358 ના ચાલક સામે તાલુકા પોલીસ સ્ટેશન ખાતે ફરિયાદ નોંધાવેલ છે.નવી ટિંબડી ગામ તરફ જવાના રસ્તા ઉપરથી પસાર થતી આરોપીની રિક્ષામાં ફરિયાદીના પત્ની વર્ષાબેન મુનેશભાઈ પરમાર (41) નીચે પડી જતા રાજકોટ ખાતે તે મહિલાનું મોત નીપજ્યું હતું .
જેથી આ બનાવ સંદર્ભે હાલમાં મૃતક મહિલાના પતિએ નોંધાવેલ ફરિયાદ આધારે પોલીસે રિક્ષાચાલક સામે ગુનો નોંધીને આરોપીને પકડવા માટે તજવીજ શરૂ કરેલ છે.
