તાજેતરમાં રાશા, અમન, ફિલ્મના ડિરેક્ટર અભિષેક કપુર અને રવિના ટંડન સાથે બીગબોસ ૧૮ના એપિસોડમાં જોવા મળી હતી
Mumbai,તા.૧૮
રવિના ટંડનની દિકરી રાશા થડાની ‘આઝાદ’ સાથે ઇન્ડસ્ટ્રીમાં ડેબ્યુ કરી રહી છે. ત્યારે હવે અન્ય સ્ટાર કિડ્ઝ સાથે તેની સરખામણી શરૂ થઈ ગઈ છે. આ અંગે જવાબ આપતાં તેણે કહ્યું કે જ્હાન્વી અને ખુશી કપૂર તેમજ સુહાના ખાન તેનાથી વધારે અનુભવી છે. ‘આઝાદ’માં તેની સાથે અજય દેવગનનો ભત્રીજો અમન દેવગન પણ ડેબ્યુ કરવા જઈ રહ્યો છે. આ ફિલ્મમાં અજય દેવગન સાથે ડાયના પેન્ટી પણ છે. આ ફિલ્મનું ગીત ‘ઉયી અમ્મા’ તાજેતરમાં રિલીઝ થયું છે, જેમાં રાશા થડાનીના ઘણા વખાણ થઈ રહ્યાં છે. હવે તેઓ આ ફિલ્મના પ્રમોશનમાં વ્યસ્ત છે. ત્યારે તાજેતરમાં રાશાએ પોતાની સરખામણી અંગે જવાબ આપ્યો હતો. “મને લાગે છે કે મારા કરતાં જ્હાન્વી, ખુશી અને સુહાના બધાં જ અનુભવી છે. તેમણે મારા કરતાં વધારે કામ કર્યું છે. તેમની ફિલ્મો રિલીઝ પણ થઈ ચૂકી છે. તેથી મને લાગે છે, મારે તો એમની પાસેથી શીખવું જોઈએ. તેમની પાસે વધારે અનુભવ છે તેથી સરખામણી જેવું કશું નથી.”તાજેતરમાં રાશા, અમન, ફિલ્મના ડિરેક્ટર અભિષેક કપુર અને રવિના ટંડન સાથે બીગબોસ ૧૮ના એપિસોડમાં જોવા મળી હતી. રાશાને સલમાન સાથે બાળપણથી સારું બનતું હતું. રાશાએ સલમાન સાથે બિગબોસના સેટ પરથી તસવીરો પણ શેર કરી હતી. જ્યારે આ તસવીરો વચ્ચે એક તસવીર એવી પણ હતી, જેમાં નાની રાશા સલમાનના ખોળામાં બેઠી હતી. તેની કૅપ્શનમાં તેણે લખ્યું હતું,“એક ચક્ર પૂરું થયું હોય એવી ક્ષણ.” તેમની આ ફિલ્મ ૧૭ જાન્યુઆરીએ થિએટરમાં રિલીઝ થશે.
