જનતા દળ (સેક્યુલર)ના ધારાસભ્ય એમટી કૃષ્ણપ્પાએ કર્ણાટક વિધાનસભામાં અજીબ માગ મૂકી દીધી હતી
Bengaluru, તા.૧૯
જનતા દળ (સેક્યુલર)ના ધારાસભ્ય એમટી કૃષ્ણપ્પાએ કર્ણાટક વિધાનસભામાં અજીબ માગ મૂકી દીધી. તે બાદ આ મામલાની દરેક જગ્યાએ ચર્ચા થઈ રહી છે. તેમણે કહ્યું કે સરકાર મહિલાઓને આટલી બધી મફત વસ્તુઓ આપી રહી છે તો પુરુષોને પણ દર અઠવાડિયે ૨ બોટલ મફત દારૂ આપવામાં આવે. તેમણે આ વાત બુધવારે ગૃહમાં ચર્ચા દરમિયાન કહી.
એમટી કૃષ્ણપ્પાએ કહ્યું, ’અધ્યક્ષ મહોદય, મને ખોટો ના સમજો પરંતુ જ્યારે તમે ૨૦૦૦ રૂપિયા મફત આપો છો, જ્યારે તમે વિજળી મફત આપો છો તો આ આપણા પૈસા છે? તો તેમને કહો કે તે દારૂ પીનારાને પણ દર અઠવાડિયે બે બોટલ મફત આપો. દર મહિને પૈસા આપવા શક્ય નથી, બસ બે બોટલ.
આ આપણા પૈસા છે જે શક્તિ યોજના, મફત બસ અને કરંટ માટે આપવામાં આવી રહ્યાં છે. તો પુરુષોને દર અઠવાડિયે બે બોટલ આપવામાં શું ખોટું છે? આને કરાવો. કોઓપરેટિવ સોસાયટી દ્વારા સરકારને આ કરવા દો. મંત્રી જ્યોર્જને આ કરવા દો.’
કેજે જ્યોર્જઃ તમે ચૂંટણી જીતો, સરકાર બનાવો અને આ કરો.
એમટી કૃષ્ણપ્પાઃ તમે હવે ગેરંટી આપી દીધી છે ને?
કેજે જ્યોર્જઃ અમે દારૂ પીવાને યથાસંભવ ઓછું કરવાનો પ્રયત્ન કરી રહ્યાં છીએ.
અધ્યક્ષ યુટી ખાદરઃ બે બોટલ મફત આપવાના તમારા સૂચનથી પહેલા જ આપણે મુશ્કેલ સ્થિતિમાં પડી શકો છો. કલ્પના કરો કે જો આપણે બે બોટલ મફત આપવા લાગ્યા તો સ્થિતિ કેવી હશે.
એમટી કૃષ્ણપ્પાઃ જો તમે આને મફતમાં આપશે તો સ્થિતિ આપમેળે ઠીક થઈ જશે.
એમટી કૃષ્ણાપ્પાના આ નિવેદન બાદ રાજકારણમાં હોબાળો મચી ગયો છે. તેમના આ નિવેદનની અમુક નેતા ટીકા પણ કરી રહ્યાં છે. લોકોનું કહેવું છે કે આખરે ધારાસભ્ય આ પ્રકારની માગ કેવી રીતે કરી શકો છો.
