Melbourne,
ઓસ્ટ્રેલિયાના ત્રણ દિવસના પ્રવાસના છેલ્લા દિવસે, વડા પ્રધાન નરેન્દ્ર મોદીએ શુક્રવારે જાહેરાત કરી હતી કે બિગ બૈશ લીગની 2026-27 સીઝન ભારતમાં શરૂ થશે. લીગની પહેલી મેચ ડિસેમ્બરમાં રમાશે.
ચેન્નાઈનું એમએ ચિદમ્બરમ સ્ટેડિયમ આ મેચનું આયોજન કરશે. વડાપ્રધાને તેને બંને દેશો વચ્ચે વધતા રમતગમત સંબંધોના ભાગ રૂપે વર્ણવ્યું. ક્રિકેટ ઓસ્ટ્રેલિયાએ જણાવ્યું હતું કે ચેન્નાઈમાં આ મેચ મેલબોર્ન રેનેગેડ્સ અને પર્થ સ્કોર્ચર્સ વચ્ચે રમાશે.
આ મેચ ઓસ્ટ્રેલિયાની બહાર રમાનારી પહેલી BBL મેચ હશે અને 12 ડિસેમ્બરે BBL 16 સીઝનની સત્તાવાર શરૂઆત થશે. ખઅ ચિદમ્બરમ સ્ટેડિયમ ખાતે આ ઐતિહાસિક મેચ માટે મેલબોર્ન રેનેગેડ્સને હોમ ટીમ ગણવામાં આવશે.
મળતી માહિતી મુજબ, PM અલ્બાનીઝ અને PM નરેન્દ્ર મોદીએ રમતગમત સહયોગ માટે ‘રોડમેપ’ પણ બહાર પાડ્યો, જેનો હેતુ ઓસ્ટ્રેલિયા અને ભારત વચ્ચે રમતગમત સંબંધોને મજબૂત બનાવવાનો છે.
આ પહેલ ઓસ્ટ્રેલિયાની મુખ્ય રમતગમત કાર્યક્રમોનું આયોજન કરવામાં કુશળતા અને આ ક્ષેત્રમાં ભારતની વધતી જતી મહત્વાકાંક્ષાઓને એકસાથે લાવે છે, જે વેપાર, પર્યટન અને રોકાણ માટે નવા માર્ગો ખોલે છે. તે ક્ષમતા નિર્માણ, રમતગમત વિજ્ઞાન અને ટેકનોલોજી સંશોધન, અને ઉદ્યોગ અને રોકાણ સહિત સહકારના મુખ્ય ક્ષેત્રોની રૂપરેખા આપે છે.
આ રોડમેપ મુખ્ય આંતરરાષ્ટ્રીય રમતગમત કાર્યક્રમોનું આયોજન કરવામાં સહયોગને વધુ ગાઢ બનાવવાની અપેક્ષા છે, કારણ કે ઓસ્ટ્રેલિયા 2032 ઓલિમ્પિક અને પેરાલિમ્પિક ગેમ્સનું આયોજન કરવાની તૈયારી કરી રહ્યું છે અને ભારત 2030 કોમનવેલ્થ ગેમ્સના ઐતિહાસિક શતાબ્દી આવૃત્તિની તૈયારી કરી રહ્યું છે.
અલ્બાનીઝે કહ્યું કે ઓસ્ટ્રેલિયા અને ભારત બંનેને રમતગમત પ્રત્યે ઊંડો જુસ્સો છે, અને નવો સ્પોર્ટ્સ રોડમેપ ક્ષમતા નિર્માણ, ટેકનોલોજી અને સંશોધન પર ધ્યાન કેન્દ્રિત કરશે.
તેમણે કહ્યું, “ઓસ્ટ્રેલિયા અને ભારત રમતગમત પ્રત્યેના પ્રેમ અને જુસ્સાથી જોડાયેલા છે. આ સ્પોર્ટ્સ રોડમેપ આપણા દ્વિપક્ષીય સંબંધોમાં આ મહત્વપૂર્ણ કડીને મજબૂત બનાવવા માટે ક્ષમતા નિર્માણ, ટેકનોલોજી અને સંશોધન જેવા વ્યવહા પ્રાથમિકતા ક્ષેત્રો પર ધ્યાન કેન્દ્રિત કરશે.
હું ભારત સાથે રમતગમત પર અમારા સહયોગને વિસ્તારવા માટે ઉત્સાહિત છું, જે ફક્ત ઓસ્ટ્રેલિયન લોકોને આનંદ જ નહીં પરંતુ વેપાર, પર્યટન અને રોકાણને પણ વેગ આપે છે.”
ઓસ્ટ્રેલીયાના વિપક્ષી નેતા સાથે પણ મોદીની બેઠક
વડાપ્રધાન નરેન્દ્ર મોદીએ ઓસ્ટ્રેલિયાના પ્રવાસ દરમિયાન વિપક્ષી નેતા એંગલ ટેલર સાથે બેઠક કરી હતી અને દ્વિપક્ષી સંબંદો મજબૂત કરવા માટે ચર્ચા કરી હતી. વડાપ્રધાન મોદીએ સોશ્યલ મીડીયા પર પોસ્ટ મુકીને કહ્યું કે બન્ને દેશોના સંબંધો વધુ મજબૂત કરવા તથા આવનારા સમયમાં નવી તક સર્જવા માટેની સાર્થક વાતચીત થઇ હતી. વડાપ્રધાન મોદીએ મેલબોર્ન ક્રિકેટ ગ્રાઉન્ડમાં હાજર ખેલાડીઓ તથા અન્ય લોકો સાથે પણ વાતચીત કરી હતી.
