Toronto,તા.૧૮
જી ૭ સમિટમાં હાજરી આપવા માટે કાનનાસ્કિસ પહોંચેલા પ્રધાનમંત્રી નરેન્દ્ર મોદીનું કેનેડાના પીએમ માર્ક કાર્નેએ સ્વાગત કર્યું. આ સમિટ એવા સમયે થઈ રહી છે જ્યારે એક તરફ રશિયા અને યુક્રેન વચ્ચે યુદ્ધ ચાલી રહ્યું છે અને બીજી તરફ ઇઝરાયલ અને ઈરાન વચ્ચે યુદ્ધ ચાલી રહ્યું છે. કેનેડાના કનાનાસ્કિસમાં ય્૭ સમિટ દરમિયાન પીએમ મોદીએ દક્ષિણ કોરિયા, મેક્સિકો, દક્ષિણ આફ્રિકા, ઓસ્ટ્રેલિયા અને ફ્રાન્સના નેતાઓને મળ્યા છે.
જી ૭ સમિટમાં પહોંચેલા પીએમ મોદીએ આલ્બર્ટાના કનાનાસ્કિસમાં મેક્સીકન રાષ્ટ્રપતિ ક્લાઉડિયા શેનબૌમને મળ્યા. બેઠક દરમિયાન, પીએમ મોદીએ આતંકવાદ સામે ભારતની લડાઈમાં મેક્સિકો દ્વારા આપવામાં આવેલા સમર્થન બદલ રાષ્ટ્રપતિ શેનબૌમનો આભાર માન્યો અને તેમને ભારતની મુલાકાત લેવાનું આમંત્રણ પણ આપ્યું.
પીએમ મોદીએ મેક્સીકન રાષ્ટ્રપતિ ક્લાઉડિયા શેનબૌમ સાથેની વાતચીત દરમિયાન ’ગ્લોબલ સાઉથ’ ની પ્રાથમિકતાઓ સહિત મુખ્ય વૈશ્વિક અને પ્રાદેશિક મુદ્દાઓ પર વિચારો શેર કર્યા. બંને નેતાઓ વચ્ચે આ પહેલી મુલાકાત હતી.
પીએમ મોદીએ તેમના ઓસ્ટ્રેલિયન સમકક્ષ એન્થોની અલ્બેનીસને પણ મળ્યા. “કેનેડામાં જી ૭ સમિટ દરમિયાન મારા મિત્ર ઓસ્ટ્રેલિયાના પ્રધાનમંત્રી અલ્બેનીસને મળીને આનંદ થયો,” મોદીએ ’એકસ’ પર પોસ્ટ કર્યું. દક્ષિણ આફ્રિકાના રાષ્ટ્રપતિ સિરિલ રામાફોસા સાથે ’એકસ’ પર તેમની વાતચીતનો ફોટો શેર કરતા મોદીએ કહ્યું કે તેઓ રામાફોસા સાથે વાત કરીને ખુશ છે.
