મીઠી, ભેદવાડ અને સીમાડા ખાડીઓ ઓવરફ્લો થતાં તેના પાણી આસપાસના રહેણાંક વિસ્તારોમાં ફરી વળ્યા છે
Surat,તા.૨૩
સુરત શહેર અને જિલ્લામાં પડેલા ધોધમાર વરસાદને કારણે શહેરની તમામ ખાડીઓ બંને કાંઠે વહેવા લાગી છે.મીઠી, ભેદવાડ અને સીમાડા ખાડીઓ ઓવરફ્લો થતાં તેના પાણી આસપાસના રહેણાંક વિસ્તારોમાં ફરી વળ્યા છે.ખાડી કિનારે સ્થિતિ અત્યંત ગંભીર બની જતાં તંત્ર દ્વારા નીચાણવાળા વિસ્તારોને એલર્ટ કરી દેવામાં આવ્યા છે અને સ્થિતિ પર સતત નજર રાખવામાં આવી રહી છે. બીજી બાજુ દક્ષિણ ગુજરાતમાં રાહત અને બચાવ કામગીરી માટે આર્મી અને એનડીઆરએફ તથા એસડીઆરએફની ટીમો પણ ખડકી દેવામાં આવી છે.
દક્ષિણ ગુજરાતમાં મેઘરાજાએ રૌદ્ર સ્વરૂપ ધારણ કરતાં આખી સ્થિતિ અત્યંત ગંભીર બની ગઈ છે. જળબંબાકારની પરિસ્થિતિને પહોંચી વળવા અને ફસાયેલા લોકોને સલામત બહાર કાઢવા માટે રાહત-બચાવ કામગીરી અર્થે આર્મીને બોલાવવામાં આવી છે. સ્થિતિની ગંભીરતાને ધ્યાને રાખીને આર્મીના ૭૦ જવાનો અને ૫ બોટ તાત્કાલિક અસરથી વલસાડ ખાતે રવાના કરી દેવામાં આવ્યા છે.
દક્ષિણ ગુજરાતમાં પૂરની સ્થિતિમાં રાહત કામગીરીને વધુ ઝડપી બનાવવા માટે સ્થાનિક તંત્ર સાથે દ્ગડ્ઢઇહ્લ અને જીડ્ઢઇહ્લનું વિશાળ બળ ખડકી દેવામાં આવ્યું છે. વલસાડ ખાતે રેસ્ક્યુ ઓપરેશન માટે દ્ગડ્ઢઇહ્લની ૩ ટીમો અને જીડ્ઢઇહ્લની ૫ ટીમોને તૈનાત કરી દેવામાં આવી છે. સ્થાનિક સ્તરે તમામ સંસાધનોનો ઉપયોગ કરીને નીચાણવાળા વિસ્તારોમાંથી લોકોને ઉગારવાની કામગીરી યુદ્ધના ધોરણે ચાલી રહી છે.
વધતી જતી આફત સામે રક્ષણ મેળવવા માટે કેન્દ્ર અને અન્ય વિસ્તારોમાંથી પણ સહાય મેળવવામાં આવી રહી છે. દિલ્હીથી દ્ગડ્ઢઇહ્લની વધુ ૨ ટીમો ખાસ ગુજરાત આવી રહી છે. આ ઉપરાંત, ૫ બોટ અને ૨૫ સભ્યોની ફાયર બ્રિગેડની વિશેષ ટીમ પણ વલસાડ પહોંચી રહી છે. આ તમામ ટીમો વલસાડના પૂરગ્રસ્ત વિસ્તારોમાં એકસાથે મળીને મોટું રેસ્ક્યુ ઓપરેશન હાથ ધરશે.
