New Delhi,તા,28
કોકરોચ જનતા પાર્ટીના જંતર મંતર આંદોલન સમયે વડાપ્રધાન નરેન્દ્ર મોદીએ જે રીતે ઈન્સ્ટાગ્રામ પર દેશના યુવાઓને સંબોધતા તથા સરકારે જાહેર કરેલા પગલામાં પક્ષે માહિતી આપતા ત્રણ રીલ- છેલ્લા ચાર દિવસમાં પોસ્ટ કર્યા હતા તેમાં વડાપ્રધાનની સામે અનિચ્છનીય વિધાનો કરતા તથા તેમના શબ્દો- હાવભાવ સાથે આર્ટિફીશ્યલ ઈન્ટેલીજન્સની મદદથી જે સેંકડો રીલ વાઈરલ થઈ રહી છે તેને દુર કરવા સરકારે ઈન્સ્ટાગ્રામની કંપની મેટાને આદેશ આપ્યા છે.
શ્રી મોદીએ આ લોકપ્રિય સોશ્યલ મીડીયાથી યુવાઓ સુધી પહોંચવા સંબોધન કર્યા હતા પણ તેની સામે કોઈ એજન્ડા મુજબ જ વડાપ્રધાનની મજાક ઉડાવતા- તેમના વિધાનોની સાથે ચેડા કરી વિકૃત રીતે રજુ કરતા તેમાં અસંખ્ય પ્રકારના અનિચ્છનીય રીલ ઓફર થયા છે જે મોટાભાગના `નીટ’ સંબંધીત છે.
આ પ્રકારના રીલમાં હિંસાને પ્રોત્સાહન મળે તથા કાનનની મર્યાદા ન જળવાય તેવા વિધાનો ચિત્રો પણ રજુ થયા છે. મેટાને આ પ્રકારના તમામ કન્ટેન્ટને બ્લોક કરવા તથા જે તે યુઝર્સ હેન્ડલને પણ બ્લોક કરવા આદેશ અપાય છે. આ અંગે આઈટી મંત્રાલય દ્વારા આદેશમાં અભિવ્યક્તિની સ્વતંત્રતાનો દુરઉપયોગ થઈ રહ્યો હોવાનું પણ જણાય છે.
