સુગ્રીવ એક હિન્દુ પૌરાણિક પાત્ર છે જે બાલીનો નાનો ભાઈ છે. તેમણે ભગવાન રામને રાવણથી સીતાને બચાવવામાં મદદ કરી હતી
Mumbai, તા.૨૨
રણબીર કપૂર, સાઈ પલ્લવી અને યશની ફિલ્મ ‘રામાયણ’ ના સ્ટારકાસ્ટની યાદી લાંબી થઈ રહી છે. ચેતન હંસરાજ અને સુરભી દાસ પછી, હવે અમિત સિયાલ આ પૌરાણિક ફિલ્મમાં પ્રવેશી ચૂક્યા છે. અભિનેતા આ ફિલ્મમાં ખૂબ જ મહત્વપૂર્ણ ભૂમિકા ભજવવા જઈ રહ્યા છે, જેના માટે તેમણે ઘણું શૂટિંગ પણ કર્યું છે.મળતા અહેવાલ મુજબ, અમિત સિયાલ ‘રામાયણ’ માં સુગ્રીવનું પાત્ર ભજવતા જોવા મળશે. સુગ્રીવ એક હિન્દુ પૌરાણિક પાત્ર છે જે બાલીનો નાનો ભાઈ છે. તેમણે ભગવાન રામને રાવણથી સીતાને બચાવવામાં મદદ કરી હતી.અહેવાલમાં સૂત્રોને ટાંકીને કહેવામાં આવ્યું છે કે – ‘અમિતે ફિલ્મના કેટલાક ભાગોનું શૂટિંગ કર્યું છે. અભિનેતા અને દિગ્દર્શક નિતેશ તેની વાર્તાને પ્રમાણિક બનાવવા માટે તેના લુક પર કામ કરી રહ્યા છે. અમિત ફિલ્મના પહેલા ભાગનો પોતાનો ભાગ લગભગ પૂર્ણ કરવાના છે.અમિત સિયાલ અજય દેવગન અભિનીત ફિલ્મ ‘રેડ’, હુમા કુરેશીની શ્રેણી ‘મહારાણી’ અને ‘જામતારા’નો પણ ભાગ રહી ચૂક્યા છે. અભિનેતા છેલ્લે આ વર્ષે રિલીઝ થયેલી ફિલ્મ ‘રેડ ૨’માં લલ્લન સુધીરની ભૂમિકામાં જોવા મળ્યો હતો. હવે ચાહકો માટે ‘રામાયણ’માં અમિત સિયાલને એક અલગ ભૂમિકામાં જોવાનું રસપ્રદ રહેશે.અહી ફરી યાદ અપાવી દઈએ કે’રામાયણ’નું બજેટ ૪૦૦૦ કરોડ રૂપિયા છે જેમાં ઘણા સ્ટાર્સ જોવા મળવાના છે.રણબીર કપૂર ફિલ્મમાં ભગવાન રામની ભૂમિકામાં જોવા મળશે.સાઈ પલ્લવી માતા સીતા અને યશ રાવણની ભૂમિકા ભજવશે.તે જ સમયે, સની દેઓલ ભગવાન હનુમાનની ભૂમિકા ભજવશે. લક્ષ્મણની ભૂમિકા માટે રવિ દુબેની પસંદગી કરવામાં આવી છે.આ ઉપરાંત, લારા દત્તા, ઇન્દિરા કૃષ્ણન જેવા કલાકારો પણ ‘રામાયણ’નો ભાગ છે.’રામાયણ’નો પહેલો ભાગ દિવાળી ૨૦૨૬ પર રિલીઝ થશે અને બીજો ભાગ દિવાળી ૨૦૨૬ પર સ્ક્રીન પર આવશે.
