Washington,તા.11
અમેરિકી રાષ્ટ્રપતિ ટ્રમ્પના ખૂબ જ નજીકના અને કન્ઝર્વેટિવ એકટીવિસ્ટ ચાર્લી, કિર્કની સરાજાહેર ગોળી મારી હત્યા કરી દેવામાં આવી છે. બુધવારે યુટાના એક કોલેજ કાર્યક્રમમાં આ ઘટના બની હતી.
રાષ્ટ્રપતિ ટ્રમ્પે જ તેના મર્ડરની સોશિયલ મીડીયા પોસ્ટમાં પુષ્ટિ કરી છે. કીર્ક ઈઝરાયેલના પણ કટ્ટર સમર્થક હતા. યોગાનુયોગ એ છે કે ફાયરીંગ પહેલા કીર્કને એક શ્રોતા અમેરિકામાં સામુહિક ગોળીબાર અને બંદૂક હિંસા વિષે સવાલ પુછી રહ્યો હતો.
આ ગોળીબારની ઘટનામાં અધિકારીઓએ એક વ્યક્તિની અટક કરી છે. હત્યાની નિંદા રિપબ્લીકન અને ડેમોક્રેટ પક્ષે કરી છે. કિર્કના મૃત્યુ પર અમેરિકામાં રાષ્ટ્રીય શોક જાહેર કરવામાં આવ્યો છે.
આ અંગે વધુમાં જાણવા મળતી વિગત મુજબ ક્નઝર્વેટિવ યુથ ગ્રુપ ‘ટર્નિંગ પોઇન્ટ યુએસએ’ના સીઈઓ અને કો-ફાઉન્ડર ચાર્લી કર્કની બુધવારે (ગઈ કાલે ) યૂટા વેલી યુનિવર્સિટીમાં એક ડિબેટ ઇવેન્ટ દરમિયાન ગોળી મારીને હત્યા કરી દેવામાં આવી છે. ચાર્લી પ્રમુખ ડોનાલ્ડ ટ્રમ્પનો ખૂબ નજીકનો માણસ હતો.
ખુદ ટ્રમ્પે સોશિયલ મીડિયા પર પોસ્ટ કરીને તેના મોતની જાણકારી આપી હતી. ટ્રમ્પે ચાર્લીના સન્માનમાં દેશના તમામ રાષ્ટ્રીય ધ્વજને અડધી કાઠીએ ફરકાવવાનો આદેશ આપ્યો છે.
ટર્નિંગ પોઇન્ટ દ્વારા આયોજિત ચર્ચામાં ડિબેટ દરમિયાન જ્યારે કર્ક બોલી રહ્યો હતો, ત્યારે તેના પર ગોળીબાર કરવામાં આવ્યો. એક વરિષ્ઠ અધિકારીએ જણાવ્યું હતું કે, કર્કને ગંભીર સ્થિતિમાં હોસ્પિટલમાં દાખલ કરવામાં આવ્યો હતો. અધિકારીઓના જણાવ્યા અનુસાર, એક શંકાસ્પદની અટકાયત કરવામાં આવી છે પરંતુ, હજુ સુધી તેની ઓળખ થઈ શકી નથી.
કેટલાક લોકોએ યુનિવર્સિટીમાં કર્કની હાજરીનો વિરોધ પણ કર્યો હતો. યુનિવર્સિટી વહીવટીતંત્રએ તેના કાર્યક્રમ રદ કરવાની માંગ કરતી એક ઓનલાઈન અરજી મળી હતી, જેના પર લગભગ 1,000 સહીઓ હતી. પરંતુ ગયા અઠવાડિયે યુનિવર્સિટીએ સ્પષ્ટતા કરી હતી કે, કાર્યક્રમ રદ કરવામાં નહીં આવે. કારણ કે તે પહેલાં સંશોધન હેઠળ ‘વાણી સ્વતંત્રતા’ અને ‘સંવાદ’ની સ્વતંત્રતા સાથે સંબંધિત મામલો છે.
ચાર્લીના મૃત્યુ વિશે માહિતી આપતા ટ્રમ્પે લખ્યું, ‘ગે્રટ, અને ખરેખર લેજન્ડરી, ચાર્લી કર્ક હવે આ દુનિયામાં નથી. અમેરિકાના યુવાનોને તેનાથી વધુ સારી રીતે કોઈ સમજી શક્યું નથી અને ચાર્લી જેવું હૃદય કોઈનું નહોતું. દરેક તેને પ્રેમ અને સન્માન કરતા હતાં, ખાસ કરીને હું. હવે તે આપણી વચ્ચે નથી. મેલાનિયા અને હું તેની પ્રિય પત્ની એરિકા અને સમગ્ર પરિવાર પ્રત્યે સંવેદના વ્યક્ત કરીએ છીએ. ચાર્લી, વી લવ યુ!’
વોશિંગ્ટન(અમેરિકા) : કંઝર્વેટીવ એકટીવિસ્ટ અને ટ્રમ્પના નજીકના સહયોગી ચાર્લી કિર્કની હત્યા પર ટ્રમ્પે જણાવ્યું હતું કે આ કટ્ટરવાદી ડાબેરીનું કૃત્ય હોઇ શકે. આ હત્યા માટે ફંડ પણ આપવામાં આવ્યું હોઇ શકે છે. ચાર્લી કિર્કની હત્યાને ટ્રમ્પે ત્રાસવાદી કૃત્ય ગણાવ્યું હતું. ટ્રમ્પે જણાવ્યું હતું કે હત્યારાને છોડવામાં નહીં આવે તેને ગમે ત્યાંથી શોધી કાઢશું.
