Amreli તા.2
અમરેલીના ચકચારી પાયલ ગોટી કાંડમાં રાષ્ટ્રીય માનવ અધિકાર આયોગે પાયલ ગોટીને રૂા. 7.પ લાખનું વળતર ચુકવવા સરકારને આદેશ કર્યો છે. અમરેલી જિલ્લાના અતિ ચકચારી લેટર કાંડ સમયે પોલીસે કોમ્પ્યુટર ઓપરેટર પાયલ ગોટી નામની યુવતીની ધરપકડ કરી હતી.
ત્યારબાદ આ યુવતીને રીક્નટ્રકશન માટે જાહેરમાં સરઘસ કાઢી બનાવ સ્થળે લઇ જતા જે તે સમયે મોટું આંદોલન થયું હતું અને પાયલ ગોટીને ન્યાય અપાવવા મામલો કોર્ટ સુધી અને રાષ્ટ્રીય માનવ અધિકાર આયોગ સુધી પહોંચ્યો હતો.
આજરોજ ગાંધીનગર ખાતેની સુનાવણી દરમિયાન રાષ્ટ્રીય માનવ અધિકાર આયોગે પોલીસ દમનનો ભોગ બનેલ યુવતી પાયલ ગોટીને રૂા. 7.પ લાખનું વળતર ચુકવવા સરકારને આદેશ કર્યો હતો.
અત્રે ઉલ્લેખનીય છે આ બનાવ સમયે સમગ્ર અમરેલી જિલ્લા ઉપરાંત રાજયભરમાં ઘેરા પ્રત્યાઘાતો પડયા હતા. પાયલ ગોટીને ન્યાય અપાવવા કોંગે્રસ દ્વારા જન આંદોલન પણ છેડાયુ હતું આખરે આ મામલે રાષ્ટ્રીય માનવ અધિકાર આયોગમાં ફરિયાદ થયા બાદ આખરી સુનાવણીમાં આયોગે સરકારને ભોગ બનનાર પાયલ ગોટીને 7.પ લાખનું વળતર ચુકવવા આદેશ કર્યો છે.
