Rajkot ,તા.૨૮
દિવાળી સહિતના તહેવારો પહેલાં ગુજરાત રાજ્ય માર્ગ પરિવહન નિગમ (એસટી) વિભાગ દ્વારા કર્મચારીઓની સુરક્ષા અને મુસાફરોની સલામતીને ધ્યાનમાં રાખીને આલ્કોહોલ ચેકિંગ ડ્રાઇવ યોજવામાં આવી હતી. આ દરમિયાન રાજકોટ ડેપોનો ડ્રાઇવર યુવરાજસિંહ ગોહિલ નશાની હાલતમાં ઝડપાયો હતો. બસ ચલાવવાનું શરૂ કરે તે પહેલાં જ તેનો આલ્કોહોલ ટેસ્ટ પોઝિટિવ આવ્યો હતો. આ મામલે એસટી વિભાગ દ્વારા ડ્રાઇવર સામે કાર્યવાહી કરવામાં આવશે
મળતી માહિતી મુજબ, તહેવારો દરમિયાન મુસાફરોની અવરજવર વધતી હોવાથી એસટી વિભાગ દ્વારા ડ્રાઇવર અને કંડક્ટર સહિતના કર્મચારીઓનું ચેકિંગ કરવામાં આવ્યું હતું. આ ડ્રાઇવ દરમિયાન કુલ આશરે ૩૦ એસટી કર્મચારીઓના આલ્કોહોલ ટેસ્ટ કરવામાં આવ્યા હતા. તેમાં રાજકોટ ડેપોના ડ્રાઇવર યુવરાજસિંહ ગોહિલનો ટેસ્ટ પોઝિટિવ આવ્યો હતો. ડ્રાઇવર બસ ચલાવવાનું શરૂ કરે તે પહેલાં જ ચેકિંગ દરમિયાન તે નશાની હાલતમાં હોવાનું સામે આવ્યું હતું. સમયસર ટેસ્ટ થતાં નશાની હાલતમાં બસ ચલાવવાની સ્થિતિ સર્જાય તે પહેલાં જ આ બાબત સામે આવી હતી.
આ ઘટનાને પગલે એસટી વિભાગ દ્વારા ડ્રાઇવર સામે વિભાગીય કાર્યવાહી કરવાની તૈયારી કરવામાં આવી રહી છે. ડ્રાઇવરને નોકરીમાંથી બરતરફ પણ કરવામાં આવી શકે છે. જોકે, તેની સામે કઈ કાર્યવાહી કરવામાં આવશે તે અંગે વિભાગીય નિર્ણય બાદ સ્પષ્ટતા થશે. દિવાળી સહિતના તહેવારો દરમિયાન મોટી સંખ્યામાં લોકો જી્ બસમાં મુસાફરી કરતા હોય છે. આવી સ્થિતિમાં ડ્રાઇવર અને કંડક્ટરની જવાબદારી મહત્ત્વપૂર્ણ બની જાય છે. આથી તહેવારો પહેલાં હાથ ધરવામાં આવેલી આલ્કોહોલ ડ્રાઇવને કર્મચારીઓની તપાસના ભાગરૂપે જોવામાં આવી રહી છે. રાજકોટ ડેપોના ડ્રાઇવરનો ટેસ્ટ પોઝિટિવ આવતાં હવે એસટી વિભાગ દ્વારા આ મામલે આગળ શું પગલાં લેવામાં આવે છે તેના પર નજર રહેશે.
