Gwalior,તા.૮
આઇપીએલ ૨૦૨૬ માં આરસીબીને વિજય અપાવ્યા પછી, રજત પાટીદાર હવે મધ્યપ્રદેશ પ્રીમિયર લીગમાં રમી રહ્યો છે. તે આ ટુર્નામેન્ટમાં ગ્વાલિયર ચિતાઝનું નેતૃત્વ કરે છે. ૭ જૂનના રોજ, એમપીએલ ટી ૨૦ લીગ ૨૦૨૬ માં ગ્વાલિયર ચીતાઝ અને માલવા સ્ટેલિયન્સ વચ્ચે મેચ રમાઈ હતી. આ મેચમાં પાટીદારે શાનદાર બેટિંગ કરી હતી. તેણે માત્ર ૩૦ બોલમાં ૬૫ રન ફટકાર્યા હતા, જેમાં ૧૦ ચોગ્ગા અને છ છગ્ગાનો સમાવેશ થાય છે. તેની ઈનિંગ ગ્વાલિયર ટીમ માટે મેચવિનિંગ સાબિત થઈ હતી.
માલવા અને ગ્વાલિયર વચ્ચેની મેચ ડેલી કોલેજ ગ્રાઉન્ડ પર રમાઈ હતી. ગ્વાલિયર ચીતાઝે માલવા સ્ટેલિયન્સને ૫૧ રનના મોટા માર્જિનથી હરાવ્યું હતું. ગ્વાલિયર ચીતાઝ ટીમે ટોસ હારી પહેલા બેટિંગ કરવાનો નિર્ણય લીધો હતો. કેપ્ટન રજત પાટીદારે આ મેચમાં ખૂબ જ આક્રમક વલણ દર્શાવ્યું હતું. તેણે વિરોધી બોલરોને ઠાર માર્યા હતા અને મધ્યપ્રદેશ લીગમાં તેની પ્રથમ અડધી સદી ફટકારી હતી. પાટીદારે મેદાનના દરેક ખૂણા પર ઉત્તમ શોટ માર્યા હતા.
ગ્વાલિયરના ઓપનર પાર્થ ચૌધરીએ ૩૪ બોલમાં ૩૮ રન બનાવ્યા. આ દરમિયાન, મંગેશ યાદવે ધમાકેદાર ઇનિંગ રમી, માત્ર ૧૭ બોલમાં અણનમ ૩૩ રન બનાવ્યા. તેમના યોગદાનને કારણે, ગ્વાલિયર ચિતાઝે સંપૂર્ણ ૨૦ ઓવરમાં ૭ વિકેટ ગુમાવીને ૧૯૦ રનનો વિશાળ સ્કોર બનાવ્યો. આ દરમિયાન, માલવા સ્ટેલિયન્સની બોલિંગ પ્રભાવશાળી રહી, જેમાં વિનીત રાવતે સૌથી વધુ ૪ વિકેટ લીધી, જ્યારે હર્ષવર્ધન સિંહે ૩ વિકેટ લીધી.
૧૯૧ રનના વિશાળ લક્ષ્યનો પીછો કરતા, માલવા સ્ટેલિયન્સ દબાણ હેઠળ વિકેટ ગુમાવતા રહ્યા. રાકેશ ઠાકુરના ૩૩ અને અંશ યાદવના ૩૦ રનથી થોડી આશા જાગી, પરંતુ તેમને બીજા છેડેથી કોઈ ટેકો મળ્યો નહીં. અંતે, ટીમ ૧૭.૧ ઓવરમાં માત્ર ૧૩૯ રનમાં ઓલઆઉટ થઈ ગઈ. ગ્વાલિયર માટે ઈશાન આફ્રિદી અને સૌમ્યા પાંડેએ શાનદાર બોલિંગ કરી, ૩-૩ વિકેટ લીધી. ગ્વાલિયર ચીતાઝના કેપ્ટન રજત પાટીદારને તેમની ઉત્તમ બેટિંગ માટે પ્લેયર ઓફ ધ મેચ જાહેર કરવામાં આવ્યો
