Amreli,તા.26
અમરેલી નજીક આવેલ માંગવાપાળ ગામે નકલી ઓઇલ વેચાતું હોવાની બાતમી અમરેલી પોલીસને મળતાં અમરેલી લોકલ ક્રાઇમ બ્રાન્ચની ટીમ ઘટના સ્થળે જઈ મળેલ હકીકત બાતમી અંગેની તપાસ હાથ ધરતાં નકલી ઓઇલ બનાવવાનું કારખાનું હોવાની શંકા જતાં પોલીસે ત્યાંથી ૧૭ જેટલી અલગ અલગ મુદામાલ કબજે લઈ અને ઓઇલ અસલી છે કે નકલી તે અંગેની તપાસ હાથ ધરવા માટે થઈ રૂા.૨,૦૭,૬૩૦ નો મુદામાલ કબજે લઈ ઓઇલ પ્રવાહી કેવા પ્રકારનુ છે? અને કોઇ પેટ્રોલીયમ પદાર્થ છે કે કેમ? જે અંગેની ડેન્સીટીની તપાસણી થવા સારૂ એફ.એસ.એલ.કચેરી ખાતેથી યોગ્ય તપાસણી કરવા આગળની કાર્યવાહી હાથ ધરેલ છે. આ બનાવના પગલે અમરેલી જિલ્લામાં ભારે ચકચાર મચી જવા પામેલ છે.
આ બનાવમાં મળતી વિગત મુજબ અમરેલીથી માત્ર ૫-૭ કી.મી. દૂર આવેલ માંગવાપાળ ગામે રહેતા સુરેશભાઇ ગજેરાએ ખેતીના ઓજાર રાખવા માટે થઈ બનાવેલ ફરજમાં તેમનાં નજીકના મિત્ર નવનીત ગજેરા નામની વ્યક્તિ ભાવનગર નજીક આવેલ અલંગથી લુઝ ઓઇલ લઈ આવી અહીં માંગવાપાળ ગામે આ ફરજમાં લુઝ ઓઇલ ફિલ્ટર કરી અલગ અલગ માપના પેકિંગ કરી અને સ્ટાન્ડર્ડ કંપનીના સ્ટીકર મારી વેચતા હોય છે.
ત્યારે માંગવાપાળ ગામે નકલી ઓઇલ વેચાતું હોવાની બાતમી અમરેલી પોલીસને મળતાં અમરેલી લોકલ ક્રાઇમ બ્રાન્ચની ટીમ ગઇકાલે ઘટના સ્થળે જઈ મળેલ હકીકત બાતમી અંગેની તપાસ હાથ ધરતાં નકલી ઓઇલ બનાવવાનું કારખાનું હોવાની શંકા જતાં પોલીસે ત્યાંથી જેટલી અલગ અલગ મુદામાલ કબજે લઈ અને ઓઇલ અસલી છે કે નકલી તે અંગેની તપાસ હાથ ધરવા માટે થઈ પોલીસે ઓઇલ કાઢવા માટેના નળી ફીટ કરેલ બે કાપેલ ટીપણા રૂા.૧૦૦૦, એક ઓઇલ કાઢવાની ડંકી જેની કીમત રૂા.૧૦૦૦, ઓઇલને ભરવા માટે રાખેલ પ્લાસ્ટીકની ગરણી નંગ-૨ કીમત રૂા.૨૦, એક લીટરનું પતરાનુ માપીયુ કીમત રૂા.૧૦૦, એક ELECTRONAG NETISM INDUCTION SEALING MACHINE લખેલ શીલ પેકીંગના ઉપયોગમાં લેવામાં આવતુ મશીન કીમત રૂા.૧૦,૦૦૦ એક METRO DIGI SCALE લખેલ ઇલેક્ટ્રોનિક વજન કાંટો કીમત રૂા.૧૫૦૦, બે લીટરયનું પતરાનુ માપીયુ કીમત રૂા.૧૦૦, એક લોખંડની પતરાની ગરણી કીમત રૂા.૧૦, બે લાલ કલરના ઢાંકણા ભરેલ કોથળા જેમા ઢાંકણાઓ નંગ-૨૧૦૦ કીમત રૂા.૮૪૦૦, બે વાદળી કલરના ઢાંકણા ભરેલ કોથળા જેના ઢાકણાઓ નંગ-૧૨૦૦ કીમત રૂા.૪૮૦૦, બે વાદળી કલરના ૩૫ લીટરીયા પ્લાસ્ટીકના કેરબા કીમત રૂા.૨૦૦, સિલ્વર કલરના ૧ લીટરીયા ખાલી પ્લાસ્ટીકના ડબલા ભરેલ ૩ કોથળા જેમા ડબલા નંગ-૮૦૦ કીમત રૂા.૨૪,૦૦૦, ગોલ્ડન કલરના સ્ટીકર વગરના ૧ લીટરીયા ખાલી પ્લાસ્ટીકના ડબલા ભરેલ ૪ કોથળા જેમા ડબલા નંગ-૯૦૦ કીમત રૂા.૨૭,૦૦૦, એક ખોખામા SERVO 4T સ્ટીકર નંગ-૮૦૦, HERO GENUINE 4T PLUS સ્ટીકર નંગ-૬૦૦, JYOT ENGINE OIL સ્ટીકર નંગ-૫૦૦ અને CASTROL ACTIVE સ્ટીકર નંગ-૨૬૫, ૪ બેરલમા ૮૦૦ લીટર ઓઇલ કીમત રૂા.૧,૦૪,૦૦૦ તેમજ ખાલી બેરલ રૂા.૨૦૦૦, ખાલી પતરાના બેરલો કુલ-૨૧ કીમત રૂા.૧૦,૫૦૦, CASTROL ACTIVE 900 ml ડબ્બા નંગ-૪૦ કીમત રૂા.૫૨૦૦, તેમજ HERO GENUINE 4T PLUS 900 ml ડબ્બા નંગ-૨૦ કીમત રૂા.૨૬૦૦ તેમજ JYOT ENGINE OIL 1Ltr. ડબ્બા નંગ-૪૦ કીમત રૂા.૫૨૦૦ મળી કુલ કીમત રૂા.૨,૦૭,૬૩૦ ના મુદામાલ પૈકીનું ઓઇલ પ્રવાહી કેવા પ્રકારનુ છે? અને કોઇ પેટ્રોલીયમ પદાર્થ છે કે કેમ? જે અંગેની ડેન્સીટીની તપાસણી થવા સારૂ એફ.એસ.એલ.કચેરી ખાતેથી યોગ્ય તપાસણી કરવા તેમજ સ્થળ તપાસ વખતે મળી આવેલ સાધનો, ચીજવસ્તુઓ દ્વારા લુઝ ઓઇલને ડબલામા ભરી તેના ઉપર અલગ અલગ કંપનીના સ્ટીકરો લગાવી, સીલ કરેલ મુદામાલ તે મુળ કંપનની ધારાધોરણ અને લાયસન્સ મુજબ છે કે કેમ ? જેની ખાત્રી કરવી જરૂરી હોય જેથી અમરેલી તાલુકા પોલીસ સ્ટેશનમાં જાણવા જોગ જાહેરાત જાહેર કરી આગળની વધુ તપાસ અમરેલી લોકલ ક્રાઇમ બ્રાન્ચની ટીમ કરી રહી છે.
આ બનાવમાં કબજે કરાયેલા પૈકીનું ઓઇલ પ્રવાહી અને કોઇ પેટ્રોલીયમ પદાર્થ છે કે કેમ? જે અંગેની ડેન્સીટીની તપાસણી થવા સારૂ એફ.એસ.એલ.કચેરી ખાતેથી યોગ્ય તપાસણી કરવામાં ઓઇલ નકલી સાબિત થશે તો જે તે કંપની વિધિવત પોલીસમાં ફરિયાદ લખાવશે તેમ પણ જાણવા મળેલ છે.
