(રવિ નિમાવત દ્વારા)
Morbi તા.૧૪
વીરવિદરકા ગામના પાટિયા નજીક બે ટ્રક અથડાતા એક ટ્રક ચાલકનું ફસાઈ જતા મૃત્યુ થયું હતું બનાવ મામલે પોલીસ મથકમાં ફરિયાદ નોંધાઈ છે માળિયા પોલીસે અકસ્માતની ફરિયાદ નોંધી વધુ તપાસ ચલાવી છે
કચ્છના રાપર તાલુકાના રહેવાસી ધારાભાઇ પેથાભાઈ વરચંદ (ઉ.વ.૫૧) વાળાએ ટ્રક જીજે ૩૯ ટીએ ૬૦૬૮ ના ચાલક રાહુલકુમાર ધારાભાઇ વરચંદ (ઉ.વ.૨૪) વિરુદ્ધ ફરિયાદ નોંધાવી છે કે ફરિયાદીના પુત્ર રાહુલ વરચંદ પોતાનો ટ્રક જીજે ૩૯ ટીએ ૬૦૬૮ વાળો પુરઝડપે ચલાવી માળિયા મોરબી નેશનલ હાઈવે પર સત્કાર હોટેલ આગળ ડીવાઈડર કુદાવી સામેની સાઈડમાં આવતા ડમ્પર જીજે ૧૨ બીટી ૬૬૬૬ આગળના ભાગે અથડાતા અકસ્માત સર્જાયો હતો જે અકસ્માતમાં ડમ્પર ચાલકને સામાન્ય ઈજા પહોંચી હતી જયારે રાહુલ વરચંદને ગંભીર ઈજા પહોંચતા મોત થયું હતું માળિયા (મી.) પોલીસે અકસ્માતની ફરિયાદ નોંધી કાયદેસર કાર્યવાહી હાથ ધરી છે
