ચોરી કે લૂંટના ઇરાદે મંદિરમાં આવેલા બે ઇસમો ની પૂછપરછ કરતા સાધુ ને છરી મારી બંને ભાગી ગયા
Kotda Sangani,તા.03
કોટડા સાંગાણી તાલુકાના રાજપરા ગામે ગારાવાળા મેલડીમાના મંદિરે સેવા પૂજા કરતા સાધુ પર મોડી રાત્રે અઢી વાગે બે શખ્સ એ છરીથી હુમલો કરતા સાધુને લોહી લુહાણ હાલતમાં સિવિલ હોસ્પિટલમાં ખસેડવામાં આવ્યા હતા.આ અંગે પ્રાપ્ત વિગત મુજબ કોટડા સાંગાણી પોલીસ મથક ની હદમાં આવેલ રાજપરા ગામના પૌરાણિક ગારા વાળા મેલડી માના મંદિરે સેવા પૂજા કરતા શોભનાથ બાપુ વેદનાથ નાથજી બાપુ ૪૭ ગઈ રાત્રે ૨/૩૦વાગે મંદિરમાં હતા ત્યારે બે અજાણ્યા શખ્સો મંદિરમાં આવતા બાપુએ આવવાનું કારણ અને કામ નામ પૂછતા બંને તે સરખો જવાબ આપવાના બદલે સાધુ સાથે ઝઘડો કરી છરીનો એક ઘા સાધુના પગમાં જીકી દેતા થયેલી રાડા રાડ દરમિયાન બંને શખ્સો ભાગી ગયા હતા.
ચોરી કે લૂંટના ઇરાદે આવેલા શખ્સોએ સાધુને જાગતા જોયા બાદ ઇરાદો બદલ્યો હોય અને હુમલો કરી બેઠા હોય તેવી આશંકા વચ્ચે સાધુને સિવિલ હોસ્પિટલમાં સારવાર માટે ફસેલવામાં આવ્યા છે આ અંગે કોટડા સાંગાણી પોલીસે તપાસ હાથ ધરી છે
