સૌરાષ્ટ્રભરના Bar Associationના પ્રતિનિધિઓની ઉપસ્થિતિમાં ફુલછાબ ચોક ખાતે હોટલ નોવા વિસ્ટા ખાતે મહાબેઠક
Rajkot તા.૨૪ઃ
સૌરાષ્ટ્રના પાટનગર સમા રાજકોટને હાઇકોર્ટ બેચનું સ્વપન સમગ્ર માટેની જૂની માંગણી સંબંધે રાજકોટ બાર એસોસિએશન દ્વારા સૌરાષ્ટ્રભરના બાર એસોસિયેશનના પ્રતિનિધિઓની ઉપસ્થિતિમાં તા. ૨૫ને શનિવારે સવારે ૧૦ કલાકે શહેરના ફુલછાબ ચોક ખાતે હોટલ નોવા વિસ્ટા ખાતે મહા બેઠક યોજાશે જેમાં હાઇકોર્ટની બેંચ રાજકોટને મળે તે માટે રણનીતિ ઘડી અને રાજ્ય અને કેન્દ્ર સરકારમાં રજૂઆત કરવામાં આવશે તેમજ જરૂર પડે તે માટે આંદોલાત્મક કાર્યક્રમો આપવામાં આવશે સૌરાષ્ટ્ર કચ્છની પ્રજાને ઝડપી અને સસ્તો ન્યાય મળે તે માટે રાજકોટને હાઈકોર્ટ બેંચ માટે વર્ષોથી વકીલોના આંદોલનો ચાલી રહયા છે.
પૂર્વ પ્રમુખ પરેશભાઈ મારુંએ હાઇકોર્ટ મેચ માટે પ્રયત્ન કરેલા હતા જે અધૂરા કાર્યને બાર એસોસિએશના પ્રમુખ સુમિત વોરા અને તેમની ટીમ દ્વારા ફરી હાઇકોર્ટ બેંક મળે તેવા પ્રયાસો કરી રહ્યા છે તેમાં કચ્છ, પોરબંદર, દ્વારકા, ઉના જેવા શહેરોથી લાંબા અંતરથી હાઈકોર્ટ જનારનો આખો દિવસ વ્યર્થ જાય છે અને ખૂબ લાંબી મુસાફરી થાય છે અને તેમાં સમય, શકિત તથા નાણાનો ઘણો ખર્ચ થાય છે.આ ઉપરાંત જૂનાગઢ, વેરાવળ રાજકોટ, જામનગર, મોરબી સહીતના વકીલોને અમદાવાદ હાઈકોર્ટ ખાતે ધક્કા ન અને વકીલો રાજકોટ ખાતે હાઈકોર્ટ બેંચમાં પોતાની રજુઆત કરી શકે તેમ છે.
સમયની તથા ખર્ચની બચત થાય તેમ છે. આ તમામ હકીકતોને ધ્યાને લઈ હાઈકોર્ટ બેંચની અગ્રતા સમજી અને સૌરાષ્ટ્ર-કચ્છના તમામ બાર એસો.ના પ્રતિનિધિઓની ખાસ મીટિંગ તારીખ ૨૫/ ૭/ ૨૦૨૬, શનીવારના રોજ સવારે ૧૦. કલાકે શહેરના ફુલછાબ ચોક હોટલ નોવા વિસ્ટા, ગ્રાઉન્ડ ફલોર ખાતે રાખવામાં આવી છે. તેમાં સૌરાષ્ટ્ર કચ્છના તમામ એસોસિએશનના પ્રતિનિધિઓને ખાસ ઉપસ્થિત રહેવાના છે. જેમાં રાજકોટ બાર એસો. ના હોદ્દેદારો અને ટીમ દ્વારા બેઠક અનુસંધાને તડામાર ત્યારી કરવામાં આવી રહી છે બાર એસો.ના પ્રમુખ સુમિત વોરાએ જણાવ્યું છે.
