Washington,તા.01
ઈરાન સામેના યુદ્ધમાં સતત નવા નવા વિધાનો- આક્રમણ વલણથી સમાધાનની જાહેરાત કરનાર અમેરિકાના પ્રમુખ ડોનાલ્ડ ટ્રમ્પે હવે ઈરાન પરના મીલીટ્રી ઓપરેશન અંગે વધુ એક મોટુ વિધાન કરતા જણાવ્યું હતું કે અમેરિકા આગામી બે ત્રણ સપ્તાહમાં ઈરાન છોડી દેશે.
ટ્રમ્પે જાહેર કર્યુ કે, આ દરમ્યાન ઈરાની અધિકારીઓ સાથે વાતચીત ચાલુ રહેશે અને હુમલામાં પણ ચાલુ જ રહેશે. હોર્મુઝ જળમાર્ગથી ઈરાનના ઓઈલ મથક જેવા ખર્ગના ટાપુઓ પર કબ્જો કરવા અગાઉ એલાન કરી ચુકેલા ટ્રમ્પે હવે તેના પર મૌન સેવી લીધુ છે.
વ્હાઈટ હાઉસમાં પત્રકારોએ ટ્રમ્પના પગલે ક્રુડતેલની સતત વધતી જતી કિંમત અંગે પુછાયેલા પ્રશ્નના જવાબમાં કહ્યું કે મારે બસ ઈરાનથી નિકળવું છે, અને અમો બહું જલ્દી તેમ કરીશું તે બાદ કિંમત ધડામ દઈને નીચે આવી જશે.
ટ્રમ્પે કહ્યું કે અમો અમારુ કામ ખત્મ કરી રહ્યા છીએ અને મને લાગે છે કે કદાચ બે સપ્તાહ અથવા કદાચ કેટલાક (હપ્તામાં) તે પુરુ થઈ શકે છે. તેઓએ કહ્યું કે ઈરાનનું ઓપરેશન પુરુ થવા અને આ દેશ સાથે સમાધાન વચ્ચે કોઈ સંબંધ નથી કે અમો તેના પર આધાર રાખતા નથી.
તેઓએ અમારી સાથે કોઈ કરાર સમજુતી કરવાની જરૂર નથી. ટ્રમ્પે હવે હોર્મુઝ જળમાર્ગ ખોલવા જેને જરૂર હોય તે ખોલે જેને ક્રુડ જોઈતુ હોય તો અમારી પાસેથી ખરીદે તેવું વલણ અપનાવે છે.
ખાસ કરીને `નાટો’ના દેશોએ મધ્યપુર્વમાં મદદ નહી કરતા ટ્રમ્પ ખુબજ ગુસ્સામાં છે. અમેરિકાના રક્ષા સચીવ પીટ હોંગસેથે પણ પત્રકાર પરિષદમાં કહ્યુ છે. આગળ જતા હોર્મુઝ વધારી સમસ્યા નથી. અમોએ આ જળમાર્ગ ખોલવા જેટલી કોશીશ થતી હતી તે કરી લીધી છે.
