Washington,તા.13
ઇરાન મુદ્દે અમેરિકાની નીતિઓની ટીકા કરનાર પોપ લિયો XIV પર પ્રમુખ ડોનાલ્ડ ટ્રમ્પે વળતો પ્રહાર કર્યો છે. ટ્રમ્પે સોશિયલ મીડિયા પ્લેટફોર્મ ‘ટ્રુથ સોશિયલ’ પર એક લાંબી પોસ્ટ લખીને પોપની ક્ષમતા પર સવાલ ઉઠાવ્યા છે. ટ્રમ્પના મતે, પોપ લિયો વિદેશ નીતિ અને આંતરરાષ્ટ્રીય સુરક્ષાના મુદ્દાઓને સમજવામાં નિષ્ફળ રહ્યા છે.ટ્રમ્પે આક્ષેપ કર્યો કે પોપ ઈરાન પ્રત્યે નરમ વલણ ધરાવે છે, જે અમેરિકા માટે જોખમી છે. તેમણે વેનેઝુએલા પરના હુમલાનો પણ બચાવ કરતા કહ્યું કે જે દેશ અમેરિકામાં ડ્રગ્સ અને ગુનેગારો મોકલે છે તેની સામે કાર્યવાહી જરૂરી હતી. ટ્રમ્પે પોપને આડેહાથ લેતા કહ્યું કે, મારે એવો પોપ નથી જોઈતો જે ઈરાનના પરમાણુ હથિયારોને મંજૂરી આપે.ટ્રમ્પે આ વિવાદમાં પોપના પરિવારને પણ ખેંચ્યો છે. તેમણે કહ્યું કે તેમને પોપ લિયો કરતા તેમના ભાઈ લુઈસ વધુ ગમે છે, કારણ કે લુઈસ ‘મેક અમેરિકા ગ્રેટ અગેન’ના ખરા સમર્થક છે. ટ્રમ્પે વધુમાં દાવો કર્યો કે પોપની પસંદગી પણ તેમની પ્રમુખપદની સત્તાને આભારી છે. આ નિવેદને વેટિકન અને વોશિંગ્ટન વચ્ચેના સંબંધોમાં ભારે તણાવ પેદા કર્યો છે.
