તેનું શારીરિક શોષણ કર્યા બાદ છાત્રાનો અશ્લીલ વીડિયો અને ફોટો બતાવી ધર્મ પરિવર્તન કરાવાની ધમકી આપતો
Kanpur, તા.૧૬
યૂપીના કાનપુરમાં ફરી એક વાર મુસ્લિમ સમુદાયના યુવકે નામ બદલીને હિન્દુ ધર્મની છાત્રાને પ્રેમજાળમાં ફસાવી. તેનું શારીરિક શોષણ કર્યા બાદ છાત્રાનો અશ્લીલ વીડિયો અને ફોટો બતાવી ધર્મ પરિવર્તન કરાવવાની ધમકી આપતો. પોલીસે હવે આ યુવકની ધરપકડ કરી લીધી છે. તેના પર ગંભીર ધારાઓ અંતર્ગત કેસ ચલાવવામાં આવશે.
સોશિયલ મીડિયા પર ફેસબુક અકાઉન્ટ દ્વારા કલ્યાણપુરની રહેવાસી ધોરણ ૧૧માં ભણતી છોકરી, બેબી રાજા નામના યુવકના સંપર્કમાં ૨ વર્ષ પહેલા આવી હતી. ધીમે ધીમે તેમની દોસ્તી વધતી ગઈ. સોશિયલ મીડિયા પર ચેટ દ્વારા પ્રેમ થયો. પછી બંને ફરવા લાગ્યા. પણ છોકરાના મગજમાં કંઈક અલગ જ ચાલી રહ્યું હતું. છોકરો ફેસબુક પર બેબી રાજા નામથી અકાઉન્ટ ચલાવતો હતો, જ્યારે તેનું અસલી નામ નિયાઝ અહમદ ખાન હતું.
જ્યારે છોકરીને છોકરાની અસલી હકીકત જાણવા મળી તો છોકરીએ નિયાઝ સાથે ઝઘડો કર્યો પણ છોકરાના મનમાં તો કંઈક બીજું જ ચાલતું હતું. છોકરાએ કાવતરું ઘડીને છોકરીને દ્વિવેદી મેંશન હોટલમાં બોલાવી કે કંઈક વાત કરવી છે અને માફી માગવી છે.
આ છોકરી છોકરાની મીઠી વાતોમાં આવી ગઈ અને હોટલમાં મળવા ગઈ. યુવકે વિચાર્યું કે કાવતરા અંતર્ગત છોકરીને નશીલું પીણું પીવડાવ્યું જે બાદ તે બેભાન થઈ ગઈ. યુવકે આ દરમ્યાન તેની સાથે શારીરિક સંબંધ બનાવ્યા અને છાત્રાના અશ્લીલ વીડિયો અને ફોટો લઈ લીધા.
ભાનમાં આવતા છોકરી પોતાના ઘરે જતી રહી અને બીજા દિવસે નિયાઝ અહમદે પોતાના કાવતરાં અંતર્ગત તેનો વીડિયો ફોટો સોશિયલ મીડિયા પર અપલોડ કરી દેવાની ધમકી આપી શારીરિક શોષણ કરવા લાગ્યો. હદ તો ત્યારે થઈ જ્યારે મુસ્લિમ યુવક બાળકી પર બળજબરીપૂર્વક ધર્મ પરિવર્તન કરાવવાનું પ્રેશર નાખવા લાગ્યો. આખરે બાળકીએ કંટાળીને આ વાત પોતાના પરિવારને જણાવી તો રાવતપુર પોલીસ સ્ટેશનમાં ફરિયાદ કરવા પહોંચ્યા. જ્યારે પોલીસે છોકરી પર જ દોષ લગાવતો તેને ભગાડી દીધી. ત્યારે છોકરીએ કંટાળીને પોલીસ કમિશનર સામે હાજર થઈ અને કમિશ્નરે આરોપી યુવક પર કાર્યવાહી કરવાનું આશ્વાસન આપ્યું.
કાનપુરના જોઈન્ટ પોલીસ કમિશનર આશુતોષ કુમારે જણાવ્યું કે, મહિલા અપરાધ પર તત્પરતા સાથે આરોપી યુવકની ધરપકડ કરી લીધી અને ગંભીર ધારાઓમાં કેસ નોંધી લીધો. જો કે નિયાઝ અહમદે ધરપકડ થાય તે પહેલા ફેસબુક અકાઉન્ટ એડિટ કરીને બેબી રાજા ખાન કરી દીધું હતું.
