વિશ્વની એક સૌથી મોટી સાયબર સ્ટ્રાઈકમાં ભારત, અમેરિકા સહિત 29 દેશોના 18 કરોડથી વધુ લોકોના ઓનલાઈન ડેટાની ઉઠાંતરી થઈ છે. ગુગલ, ફેસબુક, જીમેલ સહિતના પ્લેટફોર્મનો ઉપયોગ કરતા લોકોના યુઝર્સ નેઈમ અને પાસવર્ડ બન્નેની ચોરી થઈ છે અને તે ડાર્ડવેબમાં ઉપલબ્ધ હોવાનો ધડાકો થયો છે.
જો કે આ ડેટા કોણે ચોર્યા તે અંગે હજું કોઈ માહિતી જાહેર થઈ નથી. 18.40 કરોડ લોકો જેમાં 220 સરકારી ઈ-મેલ ડોમીન નેમ ધરાવે છે તેની ચોરી થઈ છે. જેમાં અમેરિકા, બ્રિટન, ઓસ્ટ્રેલિયા, કેનેડા, ચાઈના, ભારત, ઈઝરાયેલ અને સાઉદી અરેબીયાના યુઝર્સનો સમાવેશ થાય છે.
‘વાપર્ડ’ દ્વારા આ અંગે માહિતી મુજબ સરકારી ડેટાની ચોરી ચિંતાજનક છે અને તે માહિતી હેકર્સના હાથમાં જાય તો તેનો મોટો દુરુપયોગ થઈ શકે છે અને કુલ 47 ગીગાબાઈટ ડેટા ચોરાયા છે.
ઈન્સ્ટાગ્રામ-ફેસબુક-નેટફલીકસ-એપલ-રોબોકા અને ડિસ્કોર્ડને પણ નિશાન બનાવાયા છે અને આ સહિતની પ્લેટફોર્મ પર રહેલા લોકોને તેના પાસવર્ડ બદલાવવા સલાહ અપાઈ છે.
વર્લ્ડ હોસ્ટગ્રુપ જે સુરક્ષિત નહી તેવા ડેટાને સુરક્ષિત રાખવાનું કામ કરે છે અને તેના માનવા મુજબ ફ્રોડ કરનારા હેકર્સ ગ્રુપે આ ડેટા ચોરી કરી હોવાનું માનવામાં આવે છે.
