સીટ દ્વારા અદાલતમાં બન્ને આરોપીને રજૂ કરાતા અદાલતે રિમાન્ડ પર સોંપ્યા
Dhandhuka, તા.૨૦
ગત સપ્તાહના આખરી દિવસે ધંધુકામાં નજીવી બાબતે ધર્મેશ ગમારા નામના યુવાન પર હિચકારો હુમલો કરવામાં આવતા તેના પગના ભાગે છરીનો ઘા લાગતા વધુ પ્રમાણમાં લોહી નીકળી જતા આ યુવાન મોત પામેલ ત્યારબાદ શહેરમાં રમખાણ જેવુ વાતાવરણ સર્જાયેલ પરંતુ પોલીસે હાથ ધરેલ ત્વરિત કામગીરીના કારણે શહેરમાં કલાકોમાં જ પુનઃ શાંતિ સ્થાપિત કરવામાં સફળતા મળેલ હત્યારાઓને ઝડપી પાડવા જુદીજુદી ટૂકડીઓ કામે લાગેલ દરમ્યાન પોલીસે બે હત્યારાઓને ઝડપી પાડેલ ધંધુકામાં સર્જાયેલ ચર્ચાસ્પદ હત્યાના કિસ્સામાં જીલ્લા પોલીસ વડા ઓમ પ્રકાશ જાટ દ્વારા સમગ્ર પ્રકરણની તપાસ માટે ધંધુકાના નાયબ પોલીસ વડા પ્રકાશ પ્રજાપતિના વડપણમાં ખાસ તપાસ ટીમની રચના જાહેર કરી આ ટૂકડીમાં એલ.સી.બી. ત્થા ધંધુકાના અમલદારોનો સમાવેશ કરાયેલ અને આરોપીઓને સત્વરે ઝડપી પાડવામાં જણાવેલ.
ધંધુકા શહેરમાં ખેલાયેલ ખૂની ખેલમાં સીટની ટીમ દ્વારા ગઈકાલે રિઝવાન ઉર્ફે રીજ્જુ નિઝામભાઈ મણીયાર ત્થા સમીર મહંમદ અહેમદીયાને ઝડપી પાડેલ ઝડપાયેલા બન્ને આરોપીની પ્રાથમિક પુછપરછ બાદ આજે બપોર બાદ રિમાન્ડની માંગ સાથે અદાલતમાં રજૂ કરાતા અદાલતે બન્ને આરોપીને બે દિવસના રિમાન્ડ પર સોંપ્યા છે.
ધંધુકામાં યુવાનની હત્યા સર્જાયેલ અહિંસક ઘટનાઓ મામલે સીટની ટીમ દ્વારા ૧૦૦ થી વધુ લોકોના ટોળા વિરૂઘ્ધ રાયોટીંગનો ગુન્હો દાખલ કરેલ જેમાં પોલીસ દ્વારા સી.સી.ટી.વી.ફૂટેજ, વાયરલ થયેલા વિડીયો તેમજ સ્થાનિકો પાસેથી વિગતો એકત્ર કરી આચરવામાં આવેલી હિંસા મામલાના આરોપીઓની ઓળખ કરવામાં આવી રહી છે. કેટલાક આરોપીઓ નાસી ગયેલ હોવાથી અન્ય આરોપીઓની ઓળખની લંબાણપૂર્વકની કવાયત હાથ ધરેલ છે. આગામી દિવસોમાં આગજની-તોડફોડના પ્રકરણે આરોપીઓની ધરપકડની સીલસીલો શરૂ થશે!
