Morbi, તા.21
મોરબીના મયુરપુલ ઉપરથી સોમવારે સાંજના સમયે વાહનો પસાર થઈ રહ્યા હતા ત્યારે આગળ જઈ રહેલ ઈકો ગાડીના ચાલકે બ્રેક મારતા પાછળ આવી રહેલી બે કારે એક પછી એક પાછળ અથડાતાં અકસ્માતનો બનાવ બન્યો હતો જેથી કરીને પુલ ઉપર ટ્રાફિક જામ થઈ હતો.
જો કે, અકસ્માતના આ બનાવમાં કોઈ જાનહાની થયેલ નથી પુલ ઉપર ટ્રાફિકજામ થઈ હોવાથી ટ્રાફિક પોલીસ સ્થળ ઉપર દોડી આવી હતી અને ક્રેનની મદદથી અકસ્માત થયેલ ગાડીઓને રસ્તા ઉપરથી હટાવવાની કામગીરી કરીને ટ્રાફિકને કાર્યરત કરવામાં આવ્યો હતો
સામાકાંઠા વિસ્તારમાંથી શહેરમાં આવવા માટેનો મુખ્ય રસ્તો એટલે કે મયુર પુલ ઉપરથી સોમવારે સાંજના સમયે જ્યારે ટ્રાફિક પસાર થઈ રહ્યો હતો ત્યારે આગળના ભાગે જઈ રહેલી ઈકો ગાડીના ચાલકે પોતાના વાહનને બ્રેક કરી હતી જેથી પાછળના ભાગે આવી રહેલી અન્ય બે ગાડી ઇકો પાછળ એક પછી એક અથડાઈ હતી જેથી કરીને ત્રણ વાહનમાં નુકશાન થયું હતું. અને મયુર પુલ ઉપર ટ્રાફિકજામ થઈ ગયો હતો.
આ બનાવની ટ્રાફિક પોલીસને જાણ થતા જિલ્લા ટ્રાફિક શાખાના પીએસઆઈ દિલીપભાઈ ઠક્કર સહિતનો સ્ટાફ ત્યાં સ્થળ ઉપર પહોંચ્યો હતો અને તાત્કાલિક ક્રેન બોલાવીને અકસ્માત થયેલ ગાડીઓને રસ્તા ઉપરથી હટાવવા માટેની કામગીરી કરવામાં આવી હતી અને રસ્તા ઉપર પુન: ટ્રાફિકને કાર્યરત કરવામાં આવ્યો હતો સદ્નસીબે આ અકસ્માતના બનાવમાં કોઈ જાનહાનિ થયેલ નથી
