By Nikhil Bhatt,
રોકાણકાર મિત્રો, આનંદ ને…!!
ભારતીય શેરબજારના ઇતિહાસમાં ૧૨ મે, ૨૦૨૬નો મંગળવાર રોકાણકારો માટે ક્યારેય ન ભૂલી શકાય તેવો ‘અમંગળ’ સાબિત થયો છે. મંગળવારના ટ્રેડિંગ સેશનમાં સેન્સેક્સ અને નિફ્ટીમાં જે રીતે કડાકા જોવા મળ્યા, તેણે દલાલ સ્ટ્રીટ પર જાણે ‘બ્લેક ટ્યૂઝડે’ જેવો માહોલ સર્જી દીધો છે. આજના આ ઐતિહાસિક ઘટાડા પાછળ દેશના આર્થિક સમીકરણોમાં આવેલા ધરખમ ફેરફારો અને વૈશ્વિક યુદ્ધની ગંભીર પરિસ્થિતિઓ મુખ્ય જવાબદાર છે.
પીએમ મોદીની આર્થિક સંકટની ચેતવણી : આજના બજારમાં ગભરાટ ફેલાવવાનું સૌથી મોટું અને સ્થાનિક કારણ વડાપ્રધાન શ્રી નરેન્દ્ર મોદીની દેશવાસીઓને કરેલી ભાવુક પરંતુ કડક અપીલ રહી છે. ભારતમાં ઈંધણ પુરવઠાની અસાધારણ કટોકટી સર્જાઈ રહી છે. ક્રૂડ ઓઈલ, સોના-ચાંદી અને હીરા-ઝવેરાતની અવિરત આયાતને કારણે ભારતનું આયાત બિલ ભયજનક સપાટીએ પહોંચી ગયું છે.
વડાપ્રધાને દેશના અર્થતંત્રને બચાવવા માટે દેશવાસીઓને એક વર્ષ માટે સોનાની આયાત ન કરવા અને ઈંધણનો વપરાશ ઘટાડવા જેવી આકરી સલાહ આપી છે. આ નિવેદને બજારને એવો સ્પષ્ટ સંકેત આપ્યો છે કે ભારત એક મોટી આર્થિક કટોકટીમાં ધકેલાઈ રહ્યું છે. પરિણામે, ફંડો અને મોટા ખેલંદાઓએ શરૂઆતથી જ ઈન્ડેક્સ બેઝડ શેરોમાં ભારે વેચવાલી શરૂ કરી દીધી હતી.
વૈશ્વિક પરિબળો :- વૈશ્વિક મોરચે, ઈરાન અને અમેરિકા વચ્ચેની ન્યુક્લિયર સમજૂતી માટેની વાટાઘાટો નિષ્ફળ જતાં યુદ્ધના નગારા વાગવા લાગ્યા છે. અમેરિકાના પ્રમુખ ડોનાલ્ડ ટ્રમ્પનો ‘નો કોમ્પ્રોમાઈઝ’ પ્લાને ઈરાનના શાંતિ પ્રસ્તાવને “કચરો” ગણાવી ફગાવી દીધો છે અને સ્પષ્ટ કર્યું છે કે યુદ્ધવિરામ હવે અંતિમ શ્વાસ લઈ રહ્યો છે. ટ્રમ્પની આ આક્રમક ધમકી બાદ મધ્ય પૂર્વના અન્ય દેશો પણ આ આગની લપેટમાં આવવાની દહેશત વધી છે.
સ્ટ્રેટ ઓફ હોર્મુઝ જ્યાંથી દુનિયાનો ૨૦% ઓઈલ સપ્લાય પસાર થાય છે તે બંધ થવાના ડરે બ્રેન્ટ ક્રૂડ ૧૦૫ ડોલરની સપાટી વટાવી ચૂક્યું છે. ભારત જેવા આયાત-નિર્ભર દેશ માટે આ ફુગાવાનો મોટો ફટકો છે. આ ઉપરાંત ચલણ અને બોન્ડ માર્કેટની અસરે ભારતીય રૂપિયો આજે રેકોર્ડબ્રેક નીચી સપાટીએ ટ્રેડ થયો હતો. રૂપિયો ૯૫.૫૫ના અત્યાર સુધીના સૌથી ખરાબ સ્તરે પહોંચી ગયો છે. જ્યારે રૂપિયો નબળો પડે છે, ત્યારે આયાત મોંઘી થાય છે અને વિદેશી સંસ્થાગત રોકાણકારો બજારમાંથી નાણાં પાછા ખેંચવા લાગે છે સાથે જ, અમેરિકામાં ૧૦ વર્ષના બોન્ડ યીલ્ડ વધીને ૪.૪૨૩% થઈ ગયા છે. આર્થિક અસ્થિરતાના સમયમાં જ્યારે બોન્ડ યીલ્ડ વધે છે, ત્યારે રોકાણકારો ઈક્વિટી માર્કેટ માંથી પૈસા કાઢીને બોન્ડમાં રોકાણ કરવું વધુ સુરક્ષિત માને છે.
સેક્ટર મુજબ વેચવાલીનું દબાણ : બજારમાં આજે સૌથી વધુ માર આઈટી અને બેંકિંગ શેરોને પડ્યો છે. વિદેશી સંસ્થાઓ સતત પાંચમા દિવસે વેચવાલ રહી છે. સોમવારે જ તેમણે રૂ. ૮,૪૩૮ કરોડના શેર વેચી નાખ્યા હતા, જેનો સિલસિલો આજે પણ ચાલુ રહ્યો.બજારમાં સર્વાંગી ઘટાડા છતાં ફાર્મા, એફએમસીજી, પસંદગીયુક્ત પાવર અને યુટિલિટી શેરોમાં મર્યાદિત મજબૂતી જોવા મળી હતી. રોકાણકારોએ પોર્ટફોલિયોને બચાવવા માટે આ રક્ષણાત્મક શેરોમાં આશરો લીધો હતો.
આજે નિફ્ટી ફ્યુચરની એક્સપાયરી હોવાથી માર્કેટમાં ભારે વોલેટિલિટી (અસ્થિરતા) જોવા મળી હતી. ટેકનિકલ ચાર્ટ પર બજાર ‘લોઅર ટોપ અને લોઅર બોટમ’ની પેટર્ન બનાવી રહ્યું છે, જે ટૂંકા ગાળાની તીવ્ર નબળાઈ સૂચવે છે. મહત્વપૂર્ણ સપોર્ટ લેવલ તૂટતા મંદીવાળાઓનું પ્રભુત્વ આખા દિવસ દરમિયાન સ્પષ્ટપણે વર્તાતું હતું.
કોમોડિટી અને કરન્સીની અસરો : સોનાના ભાવમાં આજે મજબૂતી જોવા મળી છે કારણ કે વૈશ્વિક અનિશ્ચિતતા વચ્ચે રોકાણકારો સોનાને ‘સેફ હેવન’ ગણી રહ્યા છે. બીજી તરફ, ઔદ્યોગિક માંગ નબળી રહેતા ચાંદી પર દબાણ રહ્યું છે. ડોલર ઇન્ડેક્સ મજબૂત બનતા ભારતીય અર્થતંત્ર પર દબાણ વધ્યું છે.
ભાવિ દિશા : બજાર અત્યારે અત્યંત નાજુક તબક્કે છે. આગામી સમયમાં વૈશ્વિક યુદ્ધની સ્થિતિ, ક્રૂડ ઓઈલની દિશા અને ભારત સરકારના આર્થિક પગલાં બજારનું ભાવિ નક્કી કરશે. અત્યારે ‘કેશ ઇઝ કિંગ’નો મંત્ર અપનાવો. બજારની વ્યાપકતા સુધરે ત્યાં સુધી મોટી ખરીદી ટાળવી યોગ્ય રહેશે. ફાર્મા અને એફએમસીજી જેવા સેક્ટર પર વધુ ધ્યાન કેન્દ્રિત કરવું. ટૂંકા ગાળાના ટ્રેડર્સે વોલેટિલિટીને ધ્યાને રાખી કડક સ્ટોપ લોસ જાળવવો. વ્યાજ દરો અને આર્થિક અનિશ્ચિતતા જોતા વધુ ઉધાર લઈને ટ્રેડિંગ કરવું અત્યંત જોખમી સાબિત થઈ શકે છે.
આજનું ટ્રેડિંગ સેશન માત્ર મંદીનું સંકેત નથી, પરંતુ એક મોટા આર્થિક પરિવર્તનની ચેતવણી છે. રોકાણકારોએ ગભરાયા વગર, પોતાની રોકડ અનામત વધારીને સાવચેતીપૂર્વક ચાલવું જોઈએ. ઉછાળા પર વેચવાલીનો અભિગમ અત્યારે સૌથી શ્રેષ્ઠ રણનીતિ સાબિત થઈ શકે છે.
તા.૧૩.૦૫.૨૦૨૬ ના રોજ સ્ટોક માર્કેટ ટ્રેડીંગ સંદર્ભે…
- તા.૧૨.૦૫.૨૦૨૬ ના રોજ નિફટી ફ્યુચર બંધ ભાવ @ ૨૩૪૭૦ પોઈન્ટ :- આગામી સંભવિત નિફ્ટી ફ્યુચર ૨૩૩૦૩ પોઈન્ટના પ્રથમ અને ૨૩૨૩૨ પોઈન્ટના અતિ મહત્વના સ્ટ્રોંગ સપોર્ટથી ટ્રેડીંગ સંદર્ભે ૨૩૫૦૫ પોઈન્ટ થી ૨૩૫૭૫ પોઈન્ટ આસપાસ અતિ મહત્વની સપાટીને સ્પર્શી શકે તેવી સંભાવના ધરાવે છે. નિફ્ટી ફ્યુચર ૨૩૬૦૬ પોઈન્ટ નજીક સાવધાનીપૂર્વક પોઝિશન બનાવવી જોઇએ….!!!
હવે જોઈએ સ્ટોક સ્પેસિફિક રેન્જ મૂવમેન્ટ
- અદાની પોર્ટસ ( ૧૬૯૮ ) :- પોર્ટ એન્ડ પોર્ટ સેર્વીસ સેક્ટરનો આ સ્ટોક રૂ.૧૬૮૦ નો પ્રથમ તેમજ રૂ.૧૬૬૪ ના બીજા સ્ટ્રોંગ સપોર્ટથી ટૂંકા સમયગાળે રૂ.૧૭૧૭ થી રૂ.૧૭૨૩ આસપાસ ભાવ સપાટી નોંધાવે તેવી શક્યતા છે…!! રૂ.૧૭૩૦ ઉપર તેજી તરફી ધ્યાન…!!
- ઓબેરોઈ રિયલ્ટી ( ૧૬૩૨ ) :- A /T+1 ગ્રુપનો આ સ્ટોક રૂ.૧૬૦૬ આસપાસ પોઝીટીવ બ્રેકઆઉટ…!! રૂ.૧૫૮૮ ના સપોર્ટથી આ સ્ટોક રૂ.૧૬૪૭ થી રૂ.૧૬૬૦ આસપાસ ભાવ સપાટી નોંધાવે તેવી સંભાવના છે…!!
- એક્સીસ બેંક ( ૧૨૬૩ ) :- રૂ.૧૨૪૪ નો પ્રથમ તેમજ રૂ.૧૨૩૦ ના બીજા સપોર્ટથી પ્રાઈવેટ બેંક સેક્ટરનો રોકાણલક્ષી આ સ્ટોક રૂ.૧૨૭૮ થી રૂ.૧૨૮૫ આસપાસ ભાવ સપાટી નોંધાવે તેવી શક્યતા છે…!!
- એસબીઆઈ લાઈફ ( ૧૮૩૮ ) :- લાઈફ ઈન્શ્યોરન્સ કંપની સેક્ટરનો આ સ્ટોક ટ્રેડીંગલક્ષી રૂ.૧૮૫૪ થી રૂ.૧૮૬૦ ના ભાવ સપાટીની રેન્જ મુવમેન્ટ ધરાવે છે…!! અંદાજીત રૂ.૧૭૯૦ નો સ્ટ્રોંગ સપોર્ટ ધ્યાને લેવો…!!!
- એચડીએફસી બેંક ( ૭૫૬ ) :- રૂ.૦૧ ની ફેસવેલ્યુ ધરાવતા પ્રાઈવેટ બેંક સેક્ટરનો ફન્ડામેન્ટલ આ સ્ટોક રૂ.૭૩૦ નાં સ્ટ્રોંગ સપોર્ટને ધ્યાને લઈ તેજી તરફી રૂ.૭૬૭ થી રૂ.૭૭૫ આસપાસ ભાવ સપાટી દર્શાવે તેવી સંભાવના છે…!!!
- આઈસીઆઈસીઆઈ બેંક ( ૧૨૪૮ ) :- ટેકનીકલ ચાર્ટ મુજબ પ્રાઈવેટ બેંક સેક્ટરનો આ સ્ટોક રૂ.૧૨૬૩ આસપાસ સપોર્ટથી રૂ.૧૨૩૦ થી રૂ.૧૨૧૮ ના નીચા મથાળે ભાવ સપાટીની શક્યતા ધરાવે છે. ટ્રેડીંગલક્ષી રૂ.૧૨૭૦ નો સપોર્ટ ખાસ ધ્યાને લેવો..!!
- લોઢા ડેવલોપર્સ ( ૮૮૫ ) :- રૂ.૮૯૮ આસપાસ ઓવરબોટ પોઝિશનની શક્યતાએ આ સ્ટોક રૂ.૯૦૪ ના સપોર્ટ તબક્કાવાર રૂ.૮૭૩ થી રૂ.૮૬૦ ભાવ સપાટી દર્શાવે તેવી સંભાવના છે…!! રૂ.૯૧૫ ઉપર તેજી તરફી ધ્યાને લેશો…!!
- ગોદરેજ કન્ઝ્યુમર પ્રોડક્ટ્સ ( ૧૦૩૦ ) :- પર્સનલ કેર સેકટરનો આ સ્ટોક છેતરામણા ઉછાળે રૂ.૧૦૫૩ આસપાસનાં સપોર્ટથી પ્રત્યાઘાતી ઘટાડે રૂ.૧૦૧૭ થી રૂ.૧૦૦૭ ભાવની આસપાસ સપાટી દર્શાવે તેવી સંભાવના છે…!!!
- રિલાયન્સ ઇન્ડસ્ટ્રીઝ ( ૧૩૭૦ ) :- રિફાઈનરી અને માર્કેટિંગ સેક્ટરનો આ સ્ટોક રૂ.૧૩૯૩ આસપાસ નફારૂપી વેચવાલી થકી રૂ.૧૩૫૭ થી રૂ.૧૩૪૪ ના ભાવ સપાટી આસપાસ ટ્રેડીંગ રેન્જ ધરાવે છે. ટ્રેડીંગલક્ષી રૂ.૧૪૦૪ નો સપોર્ટ ધ્યાને લેવો…!!!
- ઈન્ફોસીસ લીમીટેડ ( ૧૧૩૭ ) :- રૂ.૧૧૫૩ આસપાસ ઓવરબોટ પોઝીશન સ્થિતિ નોંધાવતા આ સ્ટોક રૂ.૧૧૬૦ ના સપોર્ટથી આ સ્ટોક રૂ.૧૧૨૩ થી રૂ.૧૧૧૭ નો ભાવ આસપાસ સપાટી દર્શાવે તેવી સંભાવના છે…!! રૂ.૧૧૭૪ ઉપર તેજી તરફી ધ્યાને લેશો…!!!
- The securities quoted are for illustration only and are not recommendatory. Investment in securities market are subject to market risks. Read and agree Disclaimer and related all the documents carefully before investing, mentioned on www.nikhilbhatt.in
