Mumbai તા,14
બુધવારે જાહેર કરાયેલા તાજેતરના ICC ટેસ્ટ રેન્કિંગમાં બોલરોની યાદીમાં ભારતના ફાસ્ટ બોલર જસપ્રીત બુમરાહએ પોતાનું ટોચનું સ્થાન જાળવી રાખ્યું છે. બેટ્સમેનોની યાદીમાં યશસ્વી જયસ્વાલ અને શુભમન ગિલ અનુક્રમે આઠમા અને નવમા ક્રમે છે, જ્યારે ઇંગ્લેન્ડના ભૂતપૂર્વ ટેસ્ટ કેપ્ટન જો રૂટ 880 પોઈન્ટ સાથે ટોચ પર છે.
જયસ્વાલના 750 પોઈન્ટ છે. ગિલ એક સ્થાન ઉપર આવીને 730 પોઈન્ટ પર પહોંચી ગયા છે. હેરી બ્રુક આ યાદીમાં બીજા ક્રમે છે, ત્યારબાદ ઓસ્ટ્રેલિયાના ટ્રેવિસ હેડ અને સ્ટીવ સ્મિથ છે.
ભારતે 2026 વર્લ્ડ ટેસ્ટ ચેમ્પિયનશિપમાં એક પણ મેચ રમી નથી. બોલરોની યાદીમાં ટોચ પર રહેલા બુમરાહના 879 પોઈન્ટ છે. યાદીમાં આગામી શ્રેષ્ઠ ભારતીય બોલર મોહમ્મદ સિરાજ છે, જે 12મા ક્રમે છે. રવિન્દ્ર જાડેજા અને કુલદીપ યાદવ અનુક્રમે 14મા અને 15મા ક્રમે છે.
દરમિયાન, ઢાકા ટેસ્ટમાં પાકિસ્તાન સામેની જીત બાદ બાંગ્લાદેશના ખેલાડીઓએ પણ રેન્કિંગમાં નોંધપાત્ર સુધારો કર્યો છે. બાંગ્લાદેશના કેપ્ટન નઝમુલ હુસૈન શાંતો 6 સ્થાન ઉપર આવીને 23મા સ્થાને પહોંચી ગયા છે.
