Mumbai તા,14
બાંગ્લાદેશે ઢાકામાં પાકિસ્તાન સામેની બે મેચની શ્રેણીની પહેલી ટેસ્ટ 104 રનથી જીતી લીધી. શાન મસૂદની આગેવાની હેઠળની પાકિસ્તાનની ટીમ 268 રનના લક્ષ્યાંકનો પીછો કરતી વખતે 163 રનમાં ઓલઆઉટ થઈ ગઈ. આમ બાંગ્લાદેશે પહેલી ટેસ્ટ 104 રનથી જીતી અને શ્રેણીમાં 1-0ની લીડ મેળવી.
ઢાકાના શેર-એ-બાંગ્લા સ્ટેડિયમ ખાતે રમાયેલી આ ટેસ્ટ મેચમાં પાકિસ્તાને ટોસ જીતીને પ્રથમ બોલિંગ કરવાનો નિર્ણય લીધો હતો. બાંગ્લાદેશે પોતાની પહેલી ઇનિંગમાં 413 રન બનાવ્યા હતા. મોમિનુલ હકે 91 રન બનાવ્યા હતા. કેપ્ટન નઝમુલ હુસૈન શાંતોએ 12 ચોગ્ગા અને બે છગ્ગાની મદદથી 101 રનની શાનદાર ઇનિંગ રમી હતી.
મુશફિકુર રહીમે 71 રન બનાવ્યા હતા. લિટન દાસે પણ 31 રન બનાવ્યા હતા, અને તસ્કિન અહેમદે 19 બોલમાં 28 રનની તોફાની ઇનિંગ રમી હતી. પાકિસ્તાન તરફથી મોહમ્મદ અબ્બાસે પાંચ વિકેટ લીધી હતી, જ્યારે શાહીન આફ્રિદીએ ત્રણ વિકેટ લીધી હતી. હસન અલી અને નોમાન અલીએ એક-એક વિકેટ લીધી હતી.
413 રનનો પીછો કરતા પાકિસ્તાનનો પ્રથમ ઇનિંગ 386 રનમાં સમેટાઈ ગયો હતો. અઝાન અવૈસે 14 ચોગ્ગાની મદદથી 103 રન બનાવ્યા હતા. ઇમામ-ઉલ-હકે પણ 45 રન અને અબ્દુલ્લા ફઝલે 60 રન બનાવ્યા હતા. મોહમ્મદ રિઝવાને 59 રન અને સલમાન આગાએ 58 રન બનાવ્યા.
કેપ્ટન શાન મસૂદે નવ રન બનાવ્યા અને સઉદ શકીલ ખાતું ખોલી શક્યો નહીં. બાંગ્લાદેશ તરફથી મહેદી હસન મિરાઝે પાંચ વિકેટ લીધી. તસ્કિન અહેમદ અને તૈજુલ ઇસ્લામે બે-બે વિકેટ લીધી. નાહિદને એક વિકેટ મળી.
જવાબમાં, પાકિસ્તાનનો બીજો દાવ 163 રનમાં ઓલઆઉટ થઈ ગયો. અબ્દુલ્લા ફઝલે સૌથી વધુ 66 રન બનાવ્યા. તેમના સિવાય અન્ય કોઈ બેટ્સમેન 50 રનનો આંકડો પાર કરી શક્યા નહીં. સલમાન આગાએ 26 રન અને રિઝવાન-અવૈસે 15-15 રન બનાવ્યા. આ સિવાય કોઈ પણ પાકિસ્તાની બેટ્સમેન બે આંકડા સુધી પહોંચી શક્યો નહીં.
