Mumbai, તા.17
ઈરાન યુદ્ધમાં સમજુતી થયા બાદ હવે દુનિયાભરમાં હાશકારો છે અને વિશ્વના શેરબજારો પણ ફરી એક વખત ધમધમતા થયા છે તથા અત્યાર સુધી જે પછડાટ લાગી હતી તેમાં રિકવરી થઈ રહી છે તેની સાથે જ હવે ભારતમાં ફરી એક વખત આઈપીઓની માર્કેટ પણ તેજ બની છે અને બે ટોચની કંપનીઓ રિલાયન્સ જીઓ અને નેશનલ સ્ટોક એકસચેંજના આઈપીઓ આ સપ્તાહમાં જ જાહેર થશે.
રિલાયન્સ જીઓ કે મુકેશ અંબાણીની ટેલિકોમ જાયન્ટ કંપની છે તે ચાર બિલિયન ડોલર એટલે કે અંદાજે 38 હજાર કરોડનો આઈપીઓ લાવી રહી છે અને તેની સાથે નેશનલ સ્ટોક એકસચેંજ પણ માર્કેટમાં અંદાજે 20 હજાર કરોડના આઈપીઓ સાથે આવશે.
આમ ભારતમાં આ સપ્તાહમાં જ શેરબજારમાં રૂા.60 હજાર કરોડ જેવા આઈપીઓ આવશે અને તેથી તેમાં આગામી દિવસોમાં આ આઈપીઓના કારણે જબરો ધમધમાટ હશે. હવે શુક્રવારે અમેરિકા અને ઈરાન વચ્ચે સમજુતી થઈ ગયા બાદ બંને કંપનીઓ આઈપીઓ સાથે આવશે અને તેના કારણે બજારમાંથી ટેમ્પરરી રીતે મોટા રોકડ પણ ખેંચાઈ જશે.
રિલાયન્સ જીઓ અને નેશનલ સ્ટોક એકસચેંજ ઉપરાંત બેક ટુ બેક ફલીપકાર્ટ અને બોટ કંપની પણ આઈપીઓ સાથે આવી રહી છે અને જો બધુ બરાબર ચાલે તો આગામી છ મહિનામા આઈપીઓની જબરી ધમાલ હશે.
ફલીપકાર્ટનો આઈપીઓ આઠ સહયોગી કંપનીઓના વિલીનીકરણ સાથે આવશે અને તે અંદાજે રૂા.10 હજાર કરોડનો હશે તો ફોન પે પણ રૂા.12 હજાર કરોડ મેળવવા માટે તૈયાર છે તેની સાથે જેપ્ટો પણ રૂા.500 કરોડના આઈપીઓ સાથે આવશે તેની કતારમાં ઓહયો, કાર દેખો, હીરો ફીન્કોર્પ પણ આઈપીઓ લઈને આવી રહી છે.
