London,તા,22
બ્રિટનમાં ફરી નવું રાજકીય સંકટના સંકેત છે. છેલ્લા કેટલાક સમયથી દબાણ હેઠળ રહેલા વડાપ્રધાન કીર સ્ટાર્મરે રાજીનામુ આપવાની જાહેરાત કરી છે અને તે સાથે લેબર પાર્ટી હવે એડી બર્નહમને વડાપ્રધાનની જવાબદારી સોંપી શકે છે.
બ્રિટનમાં આ રીતે 10 વર્ષમાં 7માં નવા વડાપ્રધાન મળશે. ડેવિડ કેમરૂનથી શરૂ થયેલી રાજીનામાની જાહેરાતમાં છેલ્લે ઋષી સુનકે તેમનો કાર્યકાળ પુરો થાય તે પુર્વે જ રાજીનામુ આપ્યુ હતું. એન્ડી બર્નહમને 300 સાંસદોનું સમર્થન હોવાનું મનાય છે.
સ્ટાર્મરે 2024માં સંસદીય ચુંટણીમાં પક્ષને વિજય અપાવ્યો હતો પણ આજે રાજીનામાની જાહેરાત કરતા દેશહિતમાં આ નિર્ણય કર્યો હોવાનું જણાવ્યું હતું. તેઓ આ રીતે રાજીનામુ આપનાર છઠ્ઠા પીએમ છે અને આગામી સપ્તાહમાં લેબર પાર્ટી નવા વડા ચુંટી કાઢે ત્યાં સુધી તેઓ હોદા પર રહેશે.
નવા વડાપ્રધાનની શકયતા ધરાવતા એન્ડી એ ગત સપ્તાહે એક ખાસ યોજાયેલી ચુંટણીમાં વિજય મેળવ્યો હતો તેમાં ગ્રેટર માંચેસ્ટરના મેયર તરીકે રહી ચુકયા છે અને વિજય મળતા જ તેઓએ સ્ટાર્મરને પડકાર્યા હતા. તેઓ લેબર પાર્ટીના સીનીયર નેતા છે.
15 વર્ષથી ઉમરથી તેઓ રાજકારણમાં છે. તેઓ કેમ્બ્રીજમાં ભણેલા છે. શ્રી સ્ટાર્મરે 10 ડાઉનીંગ સ્ટ્રીટમાં પત્રકારોને સંબોધતા કહ્યું કે કિંગ ચાર્લ્સને આઠ રાજીનામા અંગે જાણ કરી છે. સ્ટાર્મરની લોકપ્રિયતા છેલ્લા કેટલાક સમયથી ઘટી રહી હતી.
પક્ષમાં વિખવાદ ઉપરાંત બ્રિટનના અર્થતંત્ર તથા જાહેર સેવા મુદે તેઓ ભીંસમાં હતા. ટાઈમ્સના રિપોર્ટ મુજબ એન્ડી બર્નહમ ઉપરાંત અન્ય દાવેદારો સ્પર્ધામાં છે. જેમાં પુર્વ આરોગ્ય મંત્રી એસ.સ્ટ્રેટીંગનો પણ સમાવેશ થાય છે તો પક્ષના મહિલા નેતા એન્જેલા રાયનેટ પણ સ્પર્ધામાં ઝુકાવી શકે છે. સૌથી ચર્ચાસ્પદ નામ ગૃહમંત્રી શબાના મહમૂદનું છે. તેઓ પક્ષમાં લોકપ્રિય નેતા ગણાય છે.
