ચાર મહિલા સહીત 48 ખેલીઓ ઝપટે ચડ્યા, રોકડ, મોબાઈલ, વાહન મળી રૂ. 19.65 લાખનો મુદ્દામાલ કબ્જે
Rajkot તા.27
રાજકોટ ગ્રામ્ય વિસ્તારમાં ભીમ અગીયારશે જુગારનું મુહૂર્ત સાચવવા શકુનીઓ મેદાનમાં આવ્યા હતા. ત્યારે શકુનીઓના રંગમાં ભંગ પાડવા પોલીસ પણ સક્રિય બની હતી. ગ્રામ્ય પોલીસે જુગારના નવ દરોડા પાડી ચાર મહિલા સહીત કુલ 48 ખેલીઓને ઝડપી રૂ. 19.65 લાખનો મુદ્દામાલ કબ્જે કર્યો હતો.
પ્રથમ દરોડાની વિગત મુજબ ગોંડલ તાલુકા પોલીસ મથકનો સ્ટાફ પેટ્રોલીંગમાં હતો ત્યારે ચોક્કસ બાતમી મળી હતી કે, ગુંદાળા રોડ પર વાઘવાડી, શ્રીનગર સોસાયટી, રેલ્વે ક્રોસીંગની બાજુમાં આવેલા શૈલેષ શીંગાળાના ફાર્મ હાઉસમાં જુગાર ચાલી રહ્યો છે, જે બાતમીના આધારે પોલીસે દરોડો પાડી જુગાર રમતા શૈલેષ મુળજીભાઇ શિંગાળા, નરેન્દ્ર વલ્લભભાઇ રૈયાણી (રહે.બાંદ્રા ગામ તા.ગોંડલ), ધીરૂ લક્ષમણભાઇ પારખીયા, દિનેશ ગોરધનભાઇ પીપળવા, છગન મુળજીભાઇ શિંગાળા (રહે -તમામ શ્રી નગર સોસાયટી, રેલ્વે ક્રોસિંગ પાસે, ગુંદાળા રોડ)ને ઝડપી લઇ રોકડ, મોબાઈલ અને કાર મળી 2.51,750નો મુદામાલ કબ્જે કર્યો હતો.
ગોંડલ તાલુકા પોલીસે બીજો દરોડો ઘોઘાવદર ગામે પાડ્યો હતો. જેમાં જાહેરમાં જુગાર રમતા હિતેશ બચુભાઇ સુરાણી, રજનિક જશવંતભાઇ જેઠવા, દિવ્યેશ વિરજીભાઇ વિરડીયા, હિતેશ કાનજીભાઇ મકવાણા( તમામ રહે.ઘોઘાવદર)ને ઝડપી લઇ રોકડ , એક્ટિવા અને મોબાઈલ મળી ૯૩,૩૦૦નો મુદામાલ કબ્જે કરી ગુનો નોંધ્યો હતો.ગોંડલ સીટી બી ડિવિઝન પોલીસે ગોંડલમાં વિજયનગર ખોડીયાર માતાજીની ધાબી પાસે જાહેરમાં જુગાર રમતા અજય ઉર્ફે કુડલો માવજીભાઇ સોલંકી, માવજી વિરજીભાઇ સોલંકી, ધરમ માવજીભાઇ સોલંકી, મનુ ભીમાભાઇ સોલંકી,ઉમેશ પ્રવિણભાઇ સોલંકી, દિનેશ વજુભાઇ સોલંકીને ઝડપી લઇ રોકડ 10,250ની મત્તા કબ્જે કરી કાર્યવાહી કરી હતી.
શાપરમાં ચાર મહિલા સહીત નવ ઝડપાયા
શાપર પોલીસે અનમોલ સોસાયટીમાં જાહેરમા જુગાર રમતા મહેશ જીવણભાઇ દાફડા (રહે.હાલ વેરાવળ શાંતીધામ શેરી નં-૧૮), પારસ અતુલભાઇ બુધ્ધદેવ (રહે.હાલ ગુદાસરા તા.ગોંડલ), કાનજી ગીગાભાઇ પરમાર (રહે શાપર ગામ અનમોલ સો.સા), કાળુ નાનજીભાઇ દાફડા (રહે. શાપર (વે.) અનમોલ સો.સા ), અરવિદ કાળાભાઇ ચાવડા (રહે. શાપર ગામ કિષ્ના મેડીકલ પાછળ શેરીમા), નીતાબેન રાજકેશભાઇ સોંદરવા, ગીતાબેન જયદીપભાઇ પરમાર (રહે. શાપર), રમાબેન બેચરભાઇ વેગડા ( રહે. શાપર), રમાબેન માલદેવભાઇ પરમાર (રહે.શાપર)ને ઝડપી લઇ ૧૦,૨૦૦ની મત્તા કબ્જે કરી શાપર પોલીસમાં ગુનો નોંધ્યો હતો.
મેટોડા જીઆઇડીસી પોલીસ મથકનો સ્ટાફ પેટ્રોલીંગમાં હતો ત્યારે બાતમી મળી હતી કે, લોધિકાના નગર પીપળીયા ગામે વાડી વિસ્તારમાં લાઈટના અંજવાળે કેટલાક શખ્સો જુગાર રમી પૈસાની હારજીત કરી રહ્યા છે જે બાતમીના આધારે પોલીસે દરોડો પાડી રાજેશ માવજીભાઈ રામાણી, મહેશ નાનજીભાઈ દોંગા, રમેશ કાનજીભાઈ રામાણી, રસિક ગોરધનભાઈ તારપરા, સંજય માવજીભાઈ રામાણી, કિશન છગનભાઈ ગઢીયા, અજય વલ્લભભાઈ તારપરા, ભરત દેવશીભાઇ બાબરીયાને ઝડપી લઇ પટ્ટમાંથી 29,150ની રોકડ કબ્જે કરી મેટોડા પોલીસે કાર્યવાહી કરી હતી. જેતપુરના ધારેશ્વરથી રબારીકાના રસ્તે બાવળની ઝાળીમાં જુગાર રમતા બિલાલ ઉર્ફે બાબુ બંગાળી શમસુદીન શેખ (રહે-વોરાવાડ, જેતપુર), અશ્વિન ઉર્ફે અશોક ગીગાભાઇ સોલંકી (રહે-ઘેટાંવાળા પ્લોટ, જેતપુર), પરેશ ઉર્ફે લાલુ છગનભાઈ પરમાર (રહે-ઘેટાંવાળા પ્લોટ, જેતપુર)ને ઝડપી લઇ રોકડ 11,850ની મત્તા કબ્જે કરી જેતપુર ઉધોગનગર પોલીસે ગુનો નોંધ્યો હતો.ધોરાજી રામપરા હનુમાનજીના મંદિર પાસે ગંજીપાના ટીચતાં રમેશ ઘેલાભાઈ સંખેસરીયા અને જયેશ વલ્લભભાઈ વાઘેલા (રહે બંને ધોરાજી)ને ઝડપી લઇ રોકડ 3750 કબ્જે કરી ગુનો નોંધ્યો હતો.
સુલતાનપુર પોલીસે બાતમીના આધારે ગોંડલના શ્રીનાથગઢ ગામે લક્ષ્મણભાઈ નાથભાઈ ખાખરીયાની વાડીએ દરોડો પાડી જેન્તીભાઇ મોહનભાઇ ખાખરીયા, મનીષભાઈ ગોવિંદભાઇ ભાદાણી, મહેશભાઈ ચંદુભાઈ ભુવા, મનોજભાઈ લક્ષમણભાઈ વાઘેલા, વીરેન્દ્રભાઈ વલ્લભભાઈ સોલંકી, વિપુલભાઈ વિઠ્ઠલભાઈ ખાખરીયાને પકડી રૂ. 80,500 ની રોકડ, છ મોબાઈલ, પાંચ મોટરસાયકલ મળી કુલ રૂ. 1,96,500 નો મુદ્દામાલ કબ્જે કર્યો હતો. ગોંડલ તાલુકા શેમળા ગામથી પાંચિયાવદર ગામે જુગટુ ખેલતા પરેશભાઈ બાબુભાઇ લીંબાસીયા, રાજેશભાઈ લીલાધરભાઈ કાચેલા, જેન્તીભાઇ બચુભાઈ વીરડીયા, ધીરુભાઈ ભીખાભાઇ રાદડિયા અને દેવરાજભાઇ વશરામભાઇ પાનસુરીયાને પકડી રૂ. 8860 ની રોકડ કબ્જે કરી હતી.
