વારંવાર બેભાન કરી દેહ અભડાવનાર ઊર્મિશ થાનકીની એ ડિવિઝન પોલીસ દ્વારા ધરપકડ
Rajkot,તા.11
શહેરના રહેતિ યુવતિના વર્ષ ૨૦૧૦માં તેણીના રાજેશ લક્ષ્મણ ચાંદેગરા સાથે લગ્ન થયા હતા પરંતુ બન્ને વચ્ચે મનમેળ ન થતા વર્ષ ૨૦૨૪ના જુલાઈ માસમાં છુટાછેડા લઈ લીધા હતા. બાદમાં તેણીની મુલાકાત ઉર્મીશ થાનકી સાથે થઈ હતી. તે લગ્ન કરશે તેમ વાયદાઓ કરી ત્રિકોણબાગ ચોકમાં આવેલ તેની ઓફિસે લઈ જઈ ઘેનની દવા પીવડાવી દુષ્કર્મ આચર્યુ હતું.
બાદમાં શખસે તેણીને કહ્યું કે જો આપણા લગ્નની પપ્પા ના પાડશે તો પણ હું લગ્ન તારી સાથે જ કરીશ તેવા વાયદો કર્યો હતો. બાદમાં ફરીવાર તેની ઓફિસે લઈ જઈ કહ્યું કે તું મને પસંદ છે મારે તારી સાથે લગ્ન કરવા છે કહી શખસે મેરેજ માટે પ્રપોઝ કરી રીંગ પહેરાવી હતી બાદમાં બન્ને સાથે નાસ્તો કરવા ગયા હતા અને ત્યાંથી પરત ઓફિસે ગયા ત્યારે શખસે કહ્યું કે તારા પગ દુખે છે તો મારી પાસે એક દવા છે તુ ખાઈ લે તને સારૂ થઈ જશે કહી શીરપ આપ્યું હતું. જે પીતા જ થોડીવારમાં પીડિતા બેભાન થઈ ગઈ હતી. બાદમાં જાગીને જોતા કપડા અસ્તવ્યસ્ત હતા જેથી શખસને પુછયું કે તે મારા કપડા શું કામ કાઢેલ હતા મે તને ના પાડી હતી ને કે લગ્ન પહેલા આપણે શરીર સંબંધ નહી રાખવો જેથી શખસે કહ્યું કે હવે તો આપણે એક બીજાના પતિ પત્નિ બની ગયા છીએ તેમ વાત કરી હતી. આમ અવાર નવાર લગ્ન કરવાના વાયદાઓ કરી દુષ્કર્મ આચર્યાની ફરિયાદ નોંધાવતા પોલીસે આરોપીને સકંજામાં લીધો હતો.
