Washington,તા.03
અવકાશ વિજ્ઞાન ક્ષેત્રે વધુ એક ઐતિહાસિક સિદ્ધિ હાંસલ કરી છે. અમેરિકાની ફાયરફલાઈ એરોસ્પેસ નામની ખાનગી કંપનીના લેન્ડર ‘બ્લુ ઘોસ્ટે’ ચંદ્રમાની સપાટી પર સફળ ઉતરાણ કર્યુ હતુ.
મિશનનો ઉદેશ માનવ મિશન માટે ચંદ્રમા પર આવાસ, સંશાધન, જલવાયુનો અભ્યાસ કરીને ડેટા એકત્રિત કરવાનો છે. નાસા માટે 10.1 કરોડ ડોલર અર્થાત 884 કરોડના ખર્ચે બનેલા ખાસ ઉપકરણને તેમાં જોડવામાં આવ્યુ છે.
કંપનીની આ પ્રથમ ચંદ્રયાત્રા હતી અને ક્રેશ વિના જ સફળ લેન્ડીંગ કરનાર પ્રથમ અમેરિકી કંપની બની છે. ચંદ્રમાના ઉતરીય ગોળાર્ધમાં પ્રાચીન જવાળામુખી પાસે તેનુ લેન્ડીંગ કરાવવામાં આવ્યુ હતું.
સફળ લેન્ડીંગ થતા જ ટેકસાસ સ્થિત કેરોલરૂઝે જશ્ન મનાવાયો હતો અને ‘આપણે ચંદ્રમા પર પહોંચી ગયા’નુ જાહેર કરાયુ હતુ. ચંદ્રમાં તથા પૃથ્વી વચ્ચેનુ અંતર 3.6 લાખ કિલોમીટર હોવાનું ઉલ્લેખનીય છે.
