Mumbai, તા.૩૧
બોલીવુડના પ્રખ્યાત ફિલ્મ નિર્માતા અને નિર્દેશક Sanjay Guptaનું ૫૭ વર્ષની વયે દુઃખદ નિધન થયું છે. પ્રાથમિક માહિતી અનુસાર, મુંબઈ સ્થિત પોતાના ઘરે બાથરૂમમાં અચાનક પડી જવાથી તેમને માથાના ભાગે ગંભીર ઈજા પહોંચી હતી, જેના લીધે તેમનું મોત નીપજ્યું હતું.
ઘટનાની જાણ થતાં જ વર્સોવા પોલીસે આ મામલે અકસ્માતે મોત નોંધીને કાયદેસરની તપાસ શરૂ કરી છે. પોલીસના જણાવ્યા મુજબ હાલમાં કોઈ શંકાસ્પદ બાબત સામે આવી નથી.
૧૯૯૪માં રિલીઝ થયેલી આતિશ ફિલ્મથી નિર્દેશક તરીકે કારકિર્દીની શરૂઆત કરનાર સંજય ગુપ્તાએ બોલીવુડને અનેક યાદગાર અને હિટ ફિલ્મો આપી હતી. તેઓ ખાસ કરીને અંડરવર્લ્ડ, ક્રાઇમ અને એક્શન ડ્રામા ફિલ્મોના નિર્દેશન માટે જાણીતા હતા.
તેમણે કાંટે, શૂટઆઉટ એટ લોખંડવાલા, શૂટઆઉટ એટ વડાલા, કાબિલ અને મુસાફિર જેવી બ્લોકબસ્ટર ફિલ્મોનું નિર્દેશન કર્યું હતું. આ ઉપરાંત, વ્હાઈટ ફેધર ફિલ્મ્સ બેનર હેઠળ તેમણે પ્રોડ્યુસર તરીકે પણ સફળ ફિલ્મો બનાવી હતી. વર્ષ ૨૦૨૪માં ઓટીટી ર્(ં્્) પર રિલીઝ થયેલી ધ મિરાંડા બ્રધર્સ તેમની છેલ્લી ફિલ્મ હતી.
Sanjay Guptaના અચાનક થયેલા નિધનના સમાચારથી બોલીવુડ અને સમગ્ર મનોરંજન જગતમાં શોકની કાલી ડિબ છવાઈ ગઈ છે. ઈન્ડસ્ટ્રીના જાણીતા કલાકારો અને ચાહકો સોશિયલ મીડિયાના માધ્યમથી તેમને શ્રદ્ધાંજલિ અર્પણ કરી રહ્યા છે.
