Mumbai,તા.૨
ઋતિક રોશન અને સબા આઝાદ ૨૦૨૨ થી ડેટિંગ કરી રહ્યા છે. બંને ઘણીવાર સોશિયલ મીડિયા પર તેમના ફોટા શેર કરે છે. શનિવારે, ઋતિકે સબાને જન્મદિવસની શુભેચ્છા પાઠવી. તેણે તેની ગર્લફ્રેન્ડ માટે એક ખાસ સંદેશ લખ્યો અને પોતાના અને સબાના રોમેન્ટિક ફોટા પણ શેર કર્યા.
ઋતિક રોશને ઇન્સ્ટાગ્રામ પર એક પોસ્ટ શેર કરી હતી જેમાં સબાને જન્મદિવસની શુભેચ્છા પાઠવી હતી. તેમાં તેણે લખ્યું હતું કે, “હું જે કંઈ પણ કરવા માટે પ્રયત્ન કરું છું, જે કંઈ પણ હું સ્વપ્ન જોઉં છું, જે કંઈ પણ કરું છું તેમાં હું તારો સારો ભાગીદાર બનવા માંગુ છું. આ મારી પ્રિય વસ્તુ છે.” તેણે આગળ લખ્યું હતું કે, “જન્મદિવસની શુભકામનાઓ, મારા પ્રેમ.”
સબા આઝાદ ફિલ્મો અને વેબ સિરીઝમાં અભિનય કરે છે. આ વર્ષે, તે અનુરાગ કશ્યપની એક અનટાઇટલ્ડ ફિલ્મનો ભાગ બનશે. તેણીએ “સોંગ ઓફ પેરેડાઇઝ” નામનો પ્રોજેક્ટ પણ કર્યો છે. અભિનય ઉપરાંત, સબા આઝાદ ગાયિકા તરીકે પણ સક્રિય છે.
