Junagadh તા.19
જુનાગઢ નાયબ પોલીસ મહાનિરીક્ષક કચેરીના સ્ટાફે તમંચો ખાલી કાર્ટીસ સાથે જુનાગઢના ડુંગરપુરના યુવકની ધરપકડ કરી જુનાગઢના દાતાર રોડના શખ્સની શોધખોળ શરૂ કરી છે.
નાયબ પોલીસ મહાનિરીક્ષકના પીએસઆઈ બી.ડી. માવદીયા અને તેની ટીમે પેટ્રોલીંગ દરમ્યાન બાતમીના આધારે ડુંગરપુર પ્રાથમિક આરોગ્ય કેન્દ્ર પાસે રહેતો ફીરોઝ ઉર્ફે વોન્ટેડ જુમા બ્લોચ નામનો શખ્સ જુનાગઢ દાતાર ખાતે રહેતો સમીર ઉર્ફે ભોપો મકરાણીનો દેશી તમંચો રાખીને ડુંગરપુર ગામના સ્મશાન સામે જુના ડુંગરપુરના પાટીયાના વળાંકમાં ઉભો હોવાની બાતમીના આધારે ફીરોજ બ્લોચ (ઉ.27)ના કબ્જામાંથી તમંચો કબજે કર્યો હતો.
ખાલી પીત્તળનો કાર્ટીસ મોબાઈલ સહિત કુલ 10 હજારનો મુદામાલ કબજે કર્યો હતો. પુછપરછમાં જુનાગઢ દાતાર રોડ ખાતેના સમીર ઉર્ફે ભોપો મકરાણીનું નામ આપતા તેને ઝડપી લેવા તજવીજ હાથ ધરીછે. આર્મ એકટ 25 (1) બી (એ) 29, જીપી એકટ 135 મુજબ પોલીસ ઈન્સ્પેકટર સોનારે તપાસ હાથ ધરી છે.
