Britain,તા.04
ભવિષ્યમાં કેદીઓ પર નજર રાખવા માટે આર્ટિફિશિયલ ઇન્ટેલિજન્સ (AI)નો ઉપયોગ થઈ શકે છે. બ્રિટનના જેલ મંત્રી લોર્ડ ટિમ્પસન સાથેની બેઠકમાં ઘણી મોટી ટેક કંપનીઓના પ્રતિનિધિઓએ ગયા વર્ષે આ સૂચન કર્યું હતું. આ બેઠકમાં એમેઝોન, ગૂગલ અને માઇક્રોસોફ્ટ જેવી મોટી કંપનીઓ હાજર હતી.
ગુનાહિત પ્રવૃત્તિઓ પર નજર રાખવા માટે કેદીઓની ત્વચામાં માઇક્રોચિપ્સ લગાવવાનો વિચાર પણ રજૂ કરવામાં આવ્યો હતો. કંપનીઓનું કહેવું છે કે, AIભવિષ્યમાં કયા ગુનેગારો માટે ખતરો બની શકે છે તેની આગાહી કરવામાં મદદ કરી શકે છે.
આ બેઠક ગયા વર્ષે થઈ હતી, અને હવે તેની વિગતો પ્રકાશમાં આવી છે. સરકારો અને કંપનીઓ દ્વારા ટેકનોલોજીના દુરુપયોગને ઉજાગર કરવા માટે જાણીતી સંસ્થા ફોક્સગ્લોવએ માહિતી જાહેર કરવામાં મહત્વની ભૂમિકા ભજવી હતી. તેણે માહિતી અધિકાર કાયદા હેઠળ બેઠકની ચર્ચાઓની વિગતો મેળવી હતી.
વ્યક્તિગત સ્વતંત્રતા અને ગોપનીયતા સામે સવાલ
માનવ અધિકારો અને ગોપનીયતાના હિમાયતીઓ માને છે કે, જો ભવિષ્યમાં આવી તકનીકોનો અમલ કરવામાં આવશે, તો તે વ્યક્તિગત સ્વતંત્રતા અને ગોપનીયતા અંગે ગંભીર પ્રશ્નો ઉભા કરી શકે છે. સમર્થકો એવી પણ દલીલ કરે છે કે અદ્યતન તકનીકોનો ઉપયોગ જેલોમાં ભીડને દૂર કરવામાં, ગુના અટકાવવામાં અને જાહેર સલામતી સુનિશ્ચિત કરવામાં મહત્વપૂર્ણ ભૂમિકા ભજવી શકે છે.
ચર્ચા દરમિયાન જેલોમાં કેદીઓની અવરજવર માટે રોબોટિક્સનો ઉપયોગ કરવા અંગે પણ ચર્ચા કરવામાં આવી હતી. કેદીઓને પરિવહન કરવા માટે સ્વ-ડ્રાઇવિંગ વાહનોનો ઉપયોગ અને ભવિષ્યમાં વ્યક્તિ તરફથી સંભવિત ખતરોનું મૂલ્યાંકન કરવા માટે અઈં નો ઉપયોગ જેવા વિચારો પર ચર્ચા કરવામાં આવી હતી. જોકે, બ્રિટિશ સરકારે હજુ સુધી કોઈપણ દરખાસ્ત સ્વીકારી નથી.
