રાજકીય નિર્ણયની ટીકા કરવી એ વ્યક્તિગત અધિકારોનું ઉલ્લંઘન નથીઃ Raghav Chadhaની અરજી પર હાઈકોર્ટ

નવીદિલ્હી,તા.૨૧
રાજ્યસભા સાંસદ Raghav Chadha એ વ્યક્તિગત અધિકારોના રક્ષણ માટે દિલ્હી હાઈકોર્ટમાં અરજી દાખલ કરી. ન્યાયાધીશ સુબ્રમણ્યમ પ્રસાદની બેન્ચે આ મામલાની સુનાવણી કરી. કોર્ટે કહ્યું કે રાજકીય નિર્ણયોની ટીકા એ વ્યક્તિગત અધિકારોનું ઉલ્લંઘન નથી.
કોર્ટે કહ્યું કે આવા કિસ્સાઓમાં માનહાનિનો દાવો દાખલ કરી શકાય છે. કોર્ટે એ પણ સ્પષ્ટ કર્યું કે પક્ષ બદલવો એ જાહેર નિર્ણય છે. કોર્ટે આર્ટિફિશિયલ ઇન્ટેલિજન્સ દ્વારા બનાવેલા વીડિયો પર પણ ટિપ્પણી કરી. કોર્ટે કહ્યું કે જો આ વીડિયો સામે કોઈ વાંધો હોય તો ખાસ અરજી દાખલ કરવી જોઈએ. સંપૂર્ણ પ્રતિબંધની માંગ કરી શકાતી નથી.