એલીએ બોલિવૂડમાં માઇકી વાયરસથી ડેબ્યુ કર્યુ હતું અને ત્યારબાદ બિગ બોસ ૭ પણ જોવા મળી હતી
Mumbai, તા.૨૦
એક્ટ્રેસ એલી અવરામે દક્ષિણ ભારતીય ફિલ્મ ઈન્ડસ્ટ્રી અને બોલિવૂડ વચ્ચેના કામના વાતાવરણના તફાવત વિશે ખુલીને વાત કરી છે અને તેની નજરે દક્ષિણના સેટ્સ વધુ શાંતિપૂર્ણ અને વ્યવસ્થિત લાગે છે. તાજેતરનાં એક ઇન્ટરવ્યુમાં એલીએ કહ્યું કે બંને ઈન્ડસ્ટ્રીઝમાં તેને સારા અનુભવ મળ્યા છે, પરંતુ કામ કરવાની રીતમાં મોટો ફરક છે.એલી અવરામે કહ્યું, “સાઉથના સેટ્સ પર બધું વધુ શાંતિથી અને ગોઠવણપૂર્વક થાય છે. તેઓ વોકી-ટોકીનો ઉપયોગ કરે છે, બૂમાબૂમ કરતા નથી. જ્યારે બોલિવૂડમાં ઘણી વાર ઉતાવળ હોય છે. તમે ખાઈ રહ્યા હો તો પણ કહેવામાં આવે કે ‘શોટ તૈયાર છે’. એવું લાગે કે તમે ખાધું કે બેહોશ થઈ જાવ, એનાથી કોઇને કોઈ ફરક પડતો નથી, શોટ મહત્વનો છે.”આ વાત થોડી કડવી લાગે, પણ એ ઇન્ડસ્ટ્રીના પ્રેશર અને ઉતાવળને પણ દર્શાવે છે. એલીએ સાથે સાથે એમ પણ સ્પષ્ટ કહ્યું કે બધું જ એકસરખું નથી. તાજેતરમાં તેણે એક ઓટીટી પ્રોજેક્ટ પર કામ કર્યું, જ્યાં આખી ટીમ ખૂબ જ કાળજી રાખતી હતી. એકદમ આરામદાયક અને “સુંદર અનુભવ” તરીકે તેણે વર્ણવ્યું હતુ.એલીએ સાઉથના સિનેમાની એક મોટી ખાસિયત પણ બતાવી, તેણે કહ્યું, “મને લાગે છે કે સાઉથમાં મહિલા કલાકારો માટે કન્ટેન્ટ-ડ્રિવન ફિલ્મોમાં વધુ તક મળે છે. બોલિવૂડમાં હજી પણ ટાઈપકાસ્ટિંગ વધારે છે.” તેણે ઉમેર્યું કે મલંગ જેવી ફિલ્મમાં અલગ પ્રકારની ભૂમિકા મળતાં ઘણા ફિલ્મમેકર્સને સમજાયું કે તે સીરિયસ એક્ટિંગ પણ કરી શકે છે. એલીએ બોલિવૂડમાં માઇકી વાયરસથી ડેબ્યુ કર્યુ હતું અને ત્યારબાદ બિગ બોસ ૭ પણ જોવા મળી હતી. પછી તેણે કપિલ શર્માની કિસ કિસ કો પ્યાર કરું અને ગૂડ બાય તેમજ ગણપત જેવી ફિલ્મોમાં કામ કર્યું હતું.સાદી ભાષામાં કહીએ તો, એલીનો મુદ્દો માત્ર “કઈ ઈન્ડસ્ટ્રી સારી” એવો નથી, પણ “કામનું વાતાવરણ કેવી રીતે કલાકારને અસર કરે છે” એ છે અને એ ચર્ચા હવે ઇન્ડસ્ટ્રીમાં ધીમે ધીમે વધારે ગંભીરતાથી થવા લાગી છે.
