Mumbai,તા.૨
ભાજપ નેતા અને ફિલ્મ અભિનેતા મિથુન ચક્રવર્તીએ પશ્ચિમ બંગાળના મુખ્યમંત્રી મમતા બેનર્જી પર આકરા પ્રહારો કર્યા. કેન્દ્રીય ગૃહમંત્રી અમિત શાહને મમતા બેનર્જીની કથિત ધમકી પર મિથુન ચક્રવર્તીએ ભારે નારાજગી વ્યક્ત કરી અને દાવો કર્યો કે આ વખતે બંગાળમાં ભાજપ સરકાર બનાવશે.
સિલીગુડીમાં મીડિયા સાથે વાત કરતા મિથુન ચક્રવર્તીએ કહ્યું, “તેમણે (મમતા બેનર્જી) ગૃહમંત્રી અમિત શાહને ધમકી આપી હતી. તેમને કહો કે તેઓ સંપૂર્ણ ધમકી આપે, અને તમે જોશો કે શું થાય છે. તેમણે સ્પષ્ટપણે કહેવું જોઈએ કે અમિત શાહને પશ્ચિમ બંગાળમાં પ્રવેશવા દેવામાં આવશે નહીં, અને પછી તમે જોશો કે શું થાય છે. આવા નિવેદનોથી શું થાય છે? અમે આ વખતે બંગાળમાં ચોક્કસપણે સરકાર બનાવીશું.”
કેન્દ્રીય ગૃહમંત્રી અમિત શાહ બંગાળની મુલાકાતે ગયા હતા અને ત્યાં એક પ્રેસ કોન્ફરન્સ યોજી હતી, જેમાં મમતા બેનર્જી સરકારની આકરી ટીકા કરી હતી. આ દરમિયાન, મમતા બેનર્જીએ એક જાહેર રેલી દરમિયાન ભાજપ પર પણ નિશાન સાધ્યું હતું. રેલી દરમિયાન, મમતા બેનર્જીએ અમિત શાહ વિશે કહ્યું, “જો અમે ઇચ્છતા હોત, તો તમે હોટલની બહાર પગ પણ ન મૂકી શક્યા હોત. તમે નસીબદાર છો કે અમે તમને હોટલ છોડી દીધી.” ભાજપે તેને ધમકી ગણાવી. મિથુન ચક્રવર્તીએ હવે આ અંગે મુખ્યમંત્રી પર નિશાન સાધ્યું છે.
મમતા બેનર્જીએ તાજેતરમાં એસઆઇઆરના મુદ્દા પર આગ સાથે રમવા સામે ભાજપને ચેતવણી આપી હતી. તેમણે દાવો કર્યો હતો કે જીૈંઇ દરમિયાન લોકોને હેરાન કરવામાં આવી રહ્યા છે. તેમણે એવો પણ આરોપ લગાવ્યો હતો કે જીૈંઇ છૈં ટેકનોલોજીનો ઉપયોગ કરીને કરવામાં આવી રહ્યું છે, તેને એક મોટું કૌભાંડ ગણાવ્યું હતું. દરમિયાન, અમિત શાહે તેમની પ્રેસ કોન્ફરન્સ દરમિયાન કહ્યું હતું કે ભય અને ભ્રષ્ટાચાર ટીએમસી સરકારની ઓળખ બની ગયા છે. તેમણે આરોપ લગાવ્યો હતો કે ટીએમસી સરકારે બંગાળમાં કેન્દ્રીય કલ્યાણકારી યોજનાઓ લાગુ કરી નથી, જેના કારણે લોકોને મુશ્કેલી પડી રહી છે. અમિત શાહે કહ્યું હતું કે બંગાળમાં ઘૂસણખોરી એક મુખ્ય મુદ્દો છે.
