Mumbai,તા.17
બોક્સ ઓફિસ પર આ વર્ષના અંતમાં એટલે કે ડિસેમ્બર મહિનામાં એક બહુ મોટો અને રોમાંચક મુકાબલો જોવા મળવાનો છે. સાઉથના સુપરસ્ટાર પ્રભાસની મોસ્ટ અવેટેડ ફિલ્મ ‘ફૌજી’ની ઓફિશિયલ રિલીઝ ડેટ જાહેર થઈ ગઈ છે. મેકર્સે એક નવું દિલધડક પોસ્ટર શેર કરીને જાહેરાત કરી છે કે આ પીરિયડ એક્શન-ડ્રામા ફિલ્મ 3 ડિસેમ્બર 2026ના રોજ સિનેમાઘરોમાં રિલીઝ થશે. જોકે, પ્રભાસ માટે આ સફર બિલકુલ સરળ નહીં હોય, કારણ કે બોક્સ ઓફિસ પર તેની સીધી ટક્કર બોલિવૂડના બે મોટા સુપરસ્ટાર્સ અજય દેવગન અને અક્ષય કુમાર સાથે થવા જઈ રહી છે.
મેકર્સે સોશિયલ મીડિયા પર પ્રભાસનો એક લોહીથી લથપથ અને હાથમાં રાઇફલ પકડેલો આક્રમક લુક શેર કરીને લખ્યું, “અજ્ઞાતપર્વનો અંત. બળવો શરૂ થાય છે. 3 ડિસેમ્બર 2026ના રોજ ફૌજીનું વર્લ્ડવાઈડ ગ્રાન્ડ રિલીઝ.” આ ફિલ્મમાં પ્રભાસ એક એવા સૈનિકના રોલમાં છે જે આખી બટાલિયન બરાબર એકલો લડે છે. આ ફિલ્મનું ડાયરેક્શન ‘સીતા રામમ’ ફેમ હનુ રાઘવપુડીએ કર્યું છે અને તેમાં પ્રભાસની સાથે નવોદિત એક્ટ્રેસ ઇમાનવી, મિથુન ચક્રવર્તી, જયા પ્રદા અને અનુપમ ખેર જેવા દિગ્ગજ કલાકારો મુખ્ય ભૂમિકામાં છે. આ ફિલ્મ 1940ના બ્રિટિશ શાસનના સમયગાળાની વાર્તા પર આધારિત છે.પ્રભાસની ‘ફૌજી’ 3 ડિસેમ્બરે રિલીઝ થઈ રહી છે, જ્યારે તેના બરાબર બીજા જ દિવસે એટલે કે 4 ડિસેમ્બર 2026ના રોજ બોલિવૂડની બે મોટી ફિલ્મો રિલીઝ થવા જઈ રહી છે:
‘ફૌજી’ના મેકર્સે ડિસેમ્બરની શરૂઆતમાં ફિલ્મ રિલીઝ કરવાનો નિર્ણય લઈને શાહરૂખ ખાનની ફિલ્મ ‘કિંગ’ સાથેનો મોટો ક્લેશ ટાળી દીધો છે. શાહરૂખ ખાન અને સુહાના ખાન સ્ટારર ‘કિંગ’ 24 ડિસેમ્બરે ક્રિસમસના અવસરે રિલીઝ થવાની છે. અગાઉ પ્રભાસની ‘સાલાર’ અને શાહરૂખની ‘ડંકી’ વચ્ચે બોક્સ ઓફિસ પર મોટો જંગ ખેલાયો હતો, પરંતુ આ વખતે ‘ફૌજી’ને 3 ડિસેમ્બરે રિલીઝ કરીને મેકર્સે ફિલ્મને કમાણી કરવા માટે પૂરો સમય આપી દીધો છે. હવે જોવાનું એ રહેશે કે આ જંગમાં બોક્સ ઓફિસનો અસલી સિકંદર કોણ બને છે.
