Mumbai, તા.૪
અભિનેત્રી Rashmika Mandanna પોતાની આગામી ફિલ્મ ‘મૈસા’માં અત્યાર સુધી ક્યારેય ન જોયેલા અવતારમાં જોવા મળવાની છે. આ ફિલ્મને ભારતના પ્રથમ મહિલા લીડ પેન ઇન્ડિયા સિનેમેટિક વેન્ચર તરીકે રજૂ કરવામાં આવી રહી છે. જબરદસ્ત એક્શન અને પિતા-પુત્રીના અનોખા સંબંધ પર આધારિત આ ફિલ્મ દર્શકોને એક અલગ જ સિનેમેટિક અનુભવ કરાવશે. ફિલ્મ ૨૭ નવેમ્બર ૨૦૨૬ના રોજ સિનેમાઘરોમાં રિલીઝ થવાની છે.
ફિલ્મનું તાજેતરમાં રિલીઝ થયેલું ટીઝર દેશભરમાં ખૂબ પસંદ કરવામાં આવ્યું છે. દર્શકોથી લઈને ફિલ્મી જાણકારો સુધી સૌએ ફિલ્મની રૉ એનર્જી, ભવ્ય સ્કેલ અને ઇન્ટેન્સ વાતાવરણનાં વખાણ કર્યાં છે. ખાસ વાત એ છે કે ‘મૈસા’ ભારતીય સિનેમામાં એક અલગ પ્રકારની વાર્તા રજૂ કરવા જઈ રહી છે.ભારતીય ફિલ્મોમાં અત્યાર સુધી મોટા ભાગે માસ એક્શન ડ્રામામાં માતા-પુત્રના મજબૂત સંબંધને દર્શાવવામાં આવ્યો છે. ‘બાહુબલી’ અને ‘દ્ભય્હ્લ’ જેવી ફિલ્મોમાં પણ આવા સંબંધો જોવા મળ્યા છે. પરંતુ ‘મૈસા’ આ પરંપરાથી અલગ છે. ફિલ્મમાં આદિવાસી વિસ્તારની પૃષ્ઠભૂમિમાં પિતા અને પુત્રી વચ્ચેના મજબૂત સંબંધને દર્શાવવામાં આવશે.આ ગીતમાં રશ્મિકા મંદાના નિર્ભય અને ખતરનાક અંદાજમાં જોવા મળે છે.
તે હાઈ ઇન્ટેન્સિટી ધરાવતા તાંડવ સ્ટાઇલના પર્ફોર્મન્સથી દર્શકોનું ધ્યાન ખેંચી રહી છે. રૉ એનર્જી, દમદાર એક્સપ્રેશન અને શાનદાર કોરિયોગ્રાફીથી સજેલું આ ગીત આદિવાસી માહોલને એક અલગ જ સ્તરે લઈ જાય છે. રશ્મિકાનો આ અંદાજ જોઈને સ્પષ્ટ થાય છે કે આ પ્રકારના મોટા પ્રોજેક્ટનું નેતૃત્વ કરવા માટે તેની પસંદગી શા માટે કરવામાં આવી છે.આ ગીતને જેક્સ બિજોયે કમ્પોઝ કર્યું છે. ફિલ્મના બેકગ્રાઉન્ડ મ્યુઝિકની પણ અગાઉથી ચર્ચા થઈ રહી છે. ગીતમાં ફિલ્મની માટી સાથે જોડાયેલી વાર્તા અને દેશી અંદાજની ઝલક જોવા મળે છે. દમદાર બીટ્સ અને આદિવાસી સંગીતના અનોખા મિશ્રણને કારણે આ ગીત યાદગાર બની રહેવાની અપેક્ષા છે.અનફોર્મ્યુલા ફિલ્મ્સના બેનર હેઠળ બનેલી અને રવીન્દ્ર પુલ્લેના નિર્દેશનમાં તૈયાર થયેલી ‘મૈસા’ એક ઇમોશનલ એક્શન થ્રિલર ફિલ્મ છે. ફિલ્મની વાર્તા આદિવાસી વિસ્તારોની પૃષ્ઠભૂમિ પર આધારિત છે. ફિલ્મમાં ભવ્ય વિઝ્યુઅલ્સ, રોમાંચક વાર્તા અને રશ્મિકા મંદાનાનું દમદાર પર્ફોર્મન્સ જોવા મળશે. આ ફિલ્મ ૨૭ નવેમ્બર ૨૦૨૬ના રોજ દેશભરના સિનેમાઘરોમાં રિલીઝ થવાની છે.
