Morocco,તા.31
છ વર્ષ પુર્વે યુરોપ અને આફ્રિકા સરહદ પર જે રીતે ઈસ્લામીક સ્ટેટના આતંકીઓના ભયથી હજારો લોકો ઈટલીથી જર્મની સહિતની સરહદોમાં ઘુસીને જબરી ઘુસણખોરીની સમસ્યા સર્જી હતી તે હવે યુરોપના શહેર સ્પેનમાં છેલ્લા 24 કલાકમાં જોવા મળી છે.
પાડોશી મોરકકોની સરહદથી હજારો લોકો સમુદ્ર તરીને તથા જમીન માર્ગે સ્પેનના સરહદી ગામ સ્પુટામાં ઘુસતા જ અજબના દ્રશ્યો સર્જાયા છે. નાના બાળકો, મહિલાઓ સાથે ઈસ્લામીક દેશના લોકો સ્પેન જીંદાબાદના નારા સાથે સરહદી વ્યવસ્થાને તોડીને આ ગામમાં ઘુસ્યા છે અને હજુ હજારો આવી રહ્યા છે.
બહેતર યુરોપીયન જીંદગી માટે આ ઘુસણખોરી થઈ છે જેના કારણે સ્પેનમાં મીલીટ્રી એલર્ટ જાહેર કરાયુ છે. આ ઘુસણખોરોને રોકવા પોલીસ તથા સુરક્ષાદળોના પ્રયાસમાં 18 લોકો માર્યા ગયા છે તો ઓચિંતા જ ઘુસણખોરોના ધાડા વાવવા લાગતા સ્થાનિક લોકો ધંધા રોજગાર છોડીને સલામત થવા લાગ્યા છે.
આ ઘુસણખોરોમાં સ્પુટા શહેરમાં ખાવાપીવાના સામાનોની લુંટ પણ ચલાવી હતી તથા હવે સ્પેન સરકારે સેના મોકલવા આદેશ આપ્યો છે અને આ રીતે યુરોપના અનેક દેશો પણ હવે એલર્ટ થઈ ગયા છે.
સ્પેનના વડાપ્રધાન મેદ્રો સાંચેઝ અને ગૃહમંત્રી ફર્નાન્ડો આંદ્રે પણ સરહદી ગામ સ્પુટા પહોચી ગયા છે તથા હાલાત પુરી રીતે અરાજક બની ગયા છે. ઉતરી મોરકકોના માનવ અધિકાર સંગઠનના સભ્ય અશરફ મૌમૂનીએ પણ સ્થિતિને અસાધારણ ગણાવી છે. સવારે જ સીમા પર ઓચિંતો ધસારો થયો. મોરકકોના નાગરિકો તરાથલ સમુદ્રના માર્ગે તરીને પણ પહોંચી રહ્યા છે.
આ કઈ રીતે એકી સાથે ધસારો થયો તે પણ પ્રશ્ન છે અને પાડોશી ઈટલી પર પણ જોખમ છે. સ્પેન-ઈટલીની સીધી સીમા મળતી નથી પણ અગાઉ છ વર્ષ પુર્વે આનો ધસારો ઈટલી-જર્મનીમાં થયો હતો.
વાસ્તવમાં સ્પેનની સુપ્રીમકોર્ટે હાલમાં જ એક ચુકાદામાં સમુદ્રના માર્ગે આવતા ગેરકાનુની પ્રવાસીઓને કાનુની પ્રક્રિયા વગર પરત મોકલી શકાય નહી તેવું જણાવ્યું હતું. પણ જમીન માર્ગે આ ધસારાની કોઈ કલ્પના જ નથી.
યુરોપની બહેતર જીંદગી આ લોકોને આકર્ષી રહી છે. યુરોપ માટે સ્પેન સરળ માર્ગ છે. મોરકકોના ફનિદેન શહેરથી ફકત પાંચ કી.મી. તરીને સ્પેન પહોંચી શકાય છે. અગાઉ 2021માં આ રીતે 8000 લોકોએ ઘુસણખોરી કરી હતી.
આ ક્ષેત્રમાં પ્રવેશ રોકવાના પ્રયાસમાં અનેકે ફરી સમુદ્રમાં નાસવા જતા માર્યા ગયા છે અને સમુદ્રમાં તેમની લાશો તરી રહી છે.
