New Delhi, તા.30
કર્મચારી ભવિષ્ય નિધિ સંગઠન FPFO જૂના EPF ખાતાઓની ઓળખ, ટ્રેકિંગ, યુનિવર્સલ એકાઉન્ટ નંબર (UAN) લિંકિંગ અને સક્રિયકરણને સરળ બનાવવા માટે એક સમર્પિત ડિજિટલ પ્લેટફોર્મ શરૂ કરવા માટે તૈયાર છે. આ પોર્ટલનું નામ EPF આધાર-આધારિત એક્સેસ પોર્ટલ ફોર ટ્રેકિંગ ઇનઓપરેટિવ એકાઉન્ટ્સ (E-PRAAPTI) રાખવામાં આવશે.
પ્રોવિડન્ટ ફંડ વિભાગ જૂના ખાતાઓને ટ્રેક કરવા અને પડતર દાવાઓનાં નિકાલ કરવા માટે નવું પોર્ટલ ફોર ટ્રેકિંગ ઇનઓપરેટિવ એકાઉન્ટ્સ (E-PRAAPTI) નાનું આ પોર્ટલ આધાર-આધારિત પ્રમાણીકરણ પધ્ધતિ પ્રદાન કરશે, જે સભ્યોને તેમના જૂના EPF ખાતાને સુરક્ષિત રીતે એક્સેસ કરવામાં સક્ષમ બનાવશે. તેમાં UAN લિંક ન હોય શકે અને તેમના સભ્ય પ્રોફાઇલને અપડેટ કરવાની પ્રક્રિયા શરૂ કરશે.
ત્યારબાદ સીમલેસ UAN લિંકિંગ અને સક્રિયકરણ થશે. આ પ્લેટફોર્મ મેન્યુઅલ હસ્તક્ષેપ ઘટાડશે. દસ્તાવેજીકરણ ઘટાડશે. પારદર્શિતા અને કાર્યક્ષમતા વધારશે તેવી અપેક્ષા છે. કેન્દ્રીય શ્રમ અને રોજગાર મંત્રી ડો. મનસુખ માંડવિયાએ જણાવ્યું હતું કે, EPFO એ નાણાંકીય વર્ષ 2025-26માં રેકોર્ડ દાવાઓનો નિકાલ કર્યો હતો. EPFOએ નાણાંકીય વર્ષ 2024-25માં 6.01 કરોડ દાવાઓની સરખામણીમાં 2025-26માં રેકોર્ડ 8.31 કરોડ દાવાઓનો નિકાલ કર્યો હતો.
5.51 કરોડ દાવાઓ એડવાન્સ અથવા આંશિક ઉપાડ હતા. 71.11 ટકા એડવાન્સ દાવાઓ ઓટો મોડમાં (3 દિવસમાં પ્રક્રિયા કરવામાં આવ્યા) પ્રક્રિયા કરવામાં આવ્યા હતા, જે પાછલા વર્ષના કરતાં 50.19 ટકા વધુ છે, જેનાથી મેન્યુઅલ હસ્તક્ષેપ ઓછો થયો છે. 6.68 કરોડ સભ્યો ચેક લીફ ઇમેજ, અપલોડ કરવાની ઝંઝટ વિના તેમના દાવાઓ દાખલ કરી શક્યા હતા.
1.59 કરોડ સભ્યો નોકરીદાતાની મંજુરી લીધા વિના તેમના બેંક ખાતાઓ સીડ કરવામાં સક્ષમ હતા. 70.55 લાખ ટ્રાન્સફર દાવાઓ સભ્ય અથવા નોકરીદાતાના હસ્તક્ષેપ વિના ઓટો-પ્રોસેસ કરવામાં આવ્યા હતા. જ્યારે 24.84 લાખ ટ્રાન્સફર વિનંતિઓ સભ્યો દ્વારા પોતે નોકરીદાતા પર કોઇ નિર્ભરતા વિના શરૂ કરવામાં આવી હતી.
