New Delhi,તા.08
કેન્દ્રીય બજેટ-2026નુ કાઉન્ટડાઉન શરૂ થઈ ગયુ છે. તા.1 ફેબ્રુઆરીના રવિવારે કેન્દ્રીય બજેટ રજુ કરીને એક નવું રેકોર્ડ મોદી સરકાર તથા નિર્મલા સીતારામન કરી રહ્યા છે તે સમયે હવે આગામી બજેટ પણ મહિલાઓ માટે ખાસ `ગીફટ’ સાથે નાણામંત્રી આવશે.
જે રીતે એક બાદ એક ધારાસભા ચુંટણીઓમાં મહિલા મતદારો ભાજપ અને એનડીએ માટે ગેમ ચેન્જર સાબીત થઈ રહ્યા છે તેથી મોદી સરકાર માંગણી બનીને મહિલાઓને માટે ખાસ ક્રેડીટ કાર્ડ અને જનધન-ટુ હેઠળ ફકત મહિલાઓના નામે જનધન ખાતા જેમાં સરળ ધિરાણ, સબસીડી તથા મહિલાઓ માટે ખાસ જીવન વિમા યોજના આવશે.
નાણામંત્રાલયના જણાવ્યા મુજબ મહિલા ડીજીટલ-સાક્ષરતા વધારવા માટે ખાસ આયોજન છે અને તેના દ્વારા મહિલાઓની આર્થિક તાકાત વધારાશે જેમાં તેઓ માટે ખાસ ક્રેડીટ કાર્ડ, લોન તથા વિમા યોજનાઓ રજુ કરાશે. મહિલાઓને બેન્કીંગ સુવિધા મળી રહે તે માટે જનધન-ટુ યોજના આવશે. જે મહિલા ઉધર્મીઓ માટે હશે. તેઓને આ ખાતા મારફત જ તમામ યોજનાઓનો લાભ રહે તે જોવાશે.
આ ઉપરાંત હવે ગ્રામીણ મહિલાઓને તેમના ક્રેડીટ સ્કોર અંગે માહિતગાર કરાશે. જેથી તેઓને વધુ ધિરાણ મળી રહેશે જેમાં જનધન ખાતા ખાસ કરીને કામ કરશે. મહિલાઓને માટે ખાસ વિમા યોજના આવશે.
જેને દક્ષિણ ભારતના કોઈ મહિલાના નામે જોડાશે. ભાજપની નજર છે. જનધન ખાતાને એવી રીતે એકટીવ કરાશે કે તે ફકત બેન્કીંગ નહી વ્યાપારીક ઉપરાંત મહિલાઓને માટે ખાસ ઉપયોગી બની રહેશે.
આ ઉપરાંત અનેક કેન્દ્રીય યોજનાઓ પણ બંધ કરવામાં આવશે. આ માટે 14 યોજનાઓ શોર્ટલીસ્ટ થઈ છે તેમાં જંગી ભંડોળ છતાં ઈચ્છીત પરિણામો મળ્યા નથી. આથી સરકાર તેને બંધ કરીને અથવા અન્ય યોજનાઓમાં ભેળવી દેશે.
