Junagadh માખીયાળાની સીમમાં રિવર્સમાં આવતા ટ્રક અડફેટે યુવાનનું મોત

Junagadh તા.6
થોડા દિવસ બાદ ભાઈ બહેનનો પવિત્ર તહેવાર રક્ષાબંધન આવી રહ્યો છે ત્યારે એક બહેનના ભાઈએ ઓચીંતી અનંતની વાટ પકડી લેતા અરેરાટી વ્યાપી જવા પામી છે. આ અંગે મળતી વિગત મુજબ ફરીયાદી અશોકભાઈ લખમણભાઈ રાઠોડ (ઉ.48) રે. ખામધ્રોળ રોડ ગોકુલ પાર્ક સોસાયટી વાળાનો દિકરો ગૌતમ કેજી વેર હાઉસ ગોડાઉન માખીયાળા ગામની સીમમાં બાલાજી વેબ્રીજ પાસે ટ્રક નં. જીજે જીઈ 8148ને રીવર્સમાં લેવડાવતો હતો ત્યારે ટ્રકચાલકે લીવર ઓચીંતા વધુ આપી દેતા સોયાબીન ભરેલા કોથળા વચ્ચે ગૌતમ દબાઈ જતા ઘટના સ્થળે જ મોત નોંધાતા અરેરાટી વ્યાપી જવા પામી હતી. બનાવની તપાસ પીએસઆઈ એસ.કે. ડામોરે હાથ ધરી છે.