Mumbai,તા.24
IPL 2026 માં અત્યાર સુધીમાં 32 મેચ રમાઈ છે. આ સમયગાળા દરમિયાન ચાર બેટ્સમેનોએ સદી ફટકારી છે, જેમાં સનરાઈઝર્સ હૈદરાબાદ (SRH) અને ચેન્નાઈ સુપર કિંગ્સ (CSK) ના એક-એક અને મુંબઈ ઇન્ડિયન્સના બે બેટ્સમેનોનો સમાવેશ થાય છે. આ વખતે પણ IPL માં મોટા સ્કોર જોવા મળી રહ્યા છે, અને બધી ટીમો પ્લેઓફમાં સ્થાન મેળવવા માટે જોર લગાવી રહી છે.
સંજુ સેમસન
ચેન્નાઈ સુપર કિંગ્સના વિકેટકીપર-બેટ્સમેન સંજુ સેમસનએ 11 એપ્રિલના રોજ દિલ્હી કેપિટલ્સ સામે 56 બોલમાં અણનમ 115 રનની ઇનિંગ રમી હતી, જેમાં ચાર છગ્ગા અને 15 ચોગ્ગાનો સમાવેશ થાય છે.
તેમની વિસ્ફોટક બેટિંગથી CSK બે વિકેટે 212 રન સુધી પહોંચી ગયું હતું. જવાબમાં, દિલ્હી કેપિટલ્સ 189 રનમાં ઓલઆઉટ થઈ ગઈ હતી. CSK એ મેચ 23 રનથી જીતી લીધી હતી.
ક્વિન્ટન ડી કોકઃ રોહિત શર્માની ગેરહાજરીમાં, ક્વિન્ટન ડી કોકને 16 એપ્રિલે પંજાબ કિંગ્સ સામે રમાયેલી મેચમાં મુંબઈ ઈન્ડિયન્સની પ્લેઈંગ ઈલેવનમાં ઓપનિંગ કરવાની તક આપવામાં આવી હતી.
આ સિઝનની પોતાની પહેલી મેચમાં, ક્વિન્ટને 60 બોલમાં સાત છગ્ગા અને આઠ ચોગ્ગાની મદદથી 112 રનની અણનમ ઇનિંગ રમી હતી, જેની મદદથી MI એ છ વિકેટ ગુમાવીને 195 રન બનાવ્યા હતા. જોકે, ડી કોકની આ ઇનિંગ પણ ટીમને જીત અપાવવામાં મદદ કરી શકી નહીં અને પંજાબે 16.3 ઓવરમાં ત્રણ વિકેટે 198 રન બનાવીને મેચ જીતી લીધી.
તિલક વર્મા
20 એપ્રિલના રોજ ગુજરાત ટાઇટન્સ (GT) સામે મુંબઈ ઇન્ડિયન્સ (MI) એ ચાર વિકેટે 96 રન બનાવ્યા હતા. ત્યાંથી, તિલક વર્માએ 45 બોલમાં સાત છગ્ગા અને આઠ ચોગ્ગાની મદદથી અણનમ 101 રન બનાવીને ટીમનો સ્કોર 199/5 સુધી પહોંચાડ્યો. જવાબમાં, GT 15.5 ઓવરમાં માત્ર 100 રનમાં ઓલઆઉટ થઈ ગયું. ખઈં એ મેચ 99 રનથી જીતી લીધી.
અભિષેક શર્મા
21 એપ્રિલે સનરાઇઝર્સ હૈદરાબાદ તરફથી રમતા આ ડાબા હાથના બેટ્સમેનએ દિલ્હી કેપિટલ્સ સામે 68 બોલમાં અણનમ 135 રન બનાવ્યા હતા. આ ઇનિંગ દરમિયાન તેણે 10 છગ્ગા અને એટલા જ ફોર ફટકાર્યા હતા.
અભિષેકની ઇનિંગથી સનરાઇઝર્સ બે વિકેટે 242 રન સુધી પહોંચી શક્યા. જવાબમાં, દિલ્હી કેપિટલ્સ તેમના નિર્ધારિત ઓવરમાં નવ વિકેટે 195 રન જ બનાવી શકી. આમ, સનરાઇઝર્સે 47 રનથી મેચ જીતી લીધી.
