Morbi તા.13
મોરબી જિલ્લા લોકલ ક્રાઇમ બ્રાંચની ટીમ દ્વારા ચોકકસ ખાનગી બાતમીના આધારે વાંકાનેર બાઉન્ડ્રી નજીક ચોટીલા-રાજકોટ હાઇવે પર મોટી કાર્યવાહી કરી કરોડો રૂપિયાની કિંમતનો વિદેશી દારૂ અને બિયરનો જથ્થો ઝડપી પાડયો છે. આ કામગીરી દરમિયાન પોલીસે કુલ ર,18,પપ,પ60નો મુદ્દામાલ કબ્જે કર્યો છે.
આ બાબતે મળતી માહિતી મુજબ મોરબી એલસીબી ટીમને ખાનગી રાહે બાતમી મળી હતી કે, વાંકાનેર બાઉન્ડ્રી નજીક હાઇવે માર્ગે એક ટ્રકમાં વિદેશી દારૂનો મોટો જથ્થો પસાર થવાનો હોય, જેના આધારે પોલીસ ટીમે વાંકાનેર બાઉન્ડ્રી નજીક સુગર એન્ડ સ્પાઇસ હોટલ સામે પર વોચ ગોઠવી હતી દરમિયાન શંકાસ્પદ બંધ બોડીવાળો ટ્રક પસાર થતા તેને રોકી તપાસ કરતા ટ્રકમાં ફુડ શોર્સની ખોટી બિલ્ટીની આડમાં મોટી માત્રામાં દારૂનો જથ્થો મળી આવ્યો હતો.
પોલીસ તપાસ દરમિયાન ટ્રકમાંથી ર8,પ84 નંગ વિદેશી દારૂની બોટલો અને 3,168 નંગ બિયરની ટીન જેની કિંમત રૂા. 1,93,47,360નો જંગી જથ્થો મળી આવ્યો હતો. ઉપરાંત પોલીસ ટ્રક નં. આરજે 14જીપી 4506 રોકડ રકમ રૂા. 3,ર00 તથા એક મોબાઇલ ફોન સહિત કુલ રૂા. ર,18,પપ,પ60નો મુદ્દામાલ જપ્ત કર્યો છે.
આ મામલે પોલીસે ટ્રક ચાલક લલિતકુમાર પ્રતાપજી ખરાડી (રહે. ઝહેરાઝ, ઉદયપુર, રાજસ્થાન) સ્થળ પરથી ઝડપી લીધો હતો. જયારે આ ગુનામાં સંડોવાયેલા અન્ય ત્રણ શખ્સોને વોન્ટેડ જાહેર કરવામાં આવ્યા છે.
જેમાં દારૂનો જથ્થો મોકલનાર અજાણ્યો શખ્સ, વાહન નંબર આરજે 14 જીપી 4પ06નો માલિક અને જથ્થો મેળવનાર અજાણ્યો શખ્સનો સમાવેશ થાય છે.
નવા રેન્જ આઇજી નિર્લિપ્ત રાયની વિઝીટ અને સુચના બાદ આ મોટો દારૂનો જથ્થો પકડાયો છે તે ઉલ્લેખનીય છે.
આ દરોડામાં પોલીસે ટ્રકમાંથી દારૂ અને બિયરની 31,7પર બોટલો જેની કિંમત રૂા.1,93,47,360 થવા જાય છે. આ ઉપરાંત ટ્રક (વાહન) રપ,00,000 રૂપિયા રોકડ રકમ 3,ર00 અને મોબાઇલ ફોન પ,0000નો કુલ કિંમત ર,18,પપ,પ60નો મુદ્દામાલ કબ્જે કરવામાં આવેલ છે.
વાંકાનેર તાલુકા પોલીસ સ્ટેશન ખાતે હાલમાં પકડાયેલા આરોપી ઉપરાંત દારૂનો જથ્થો મોકલાવનાર, દારૂનો જથ્થો મંગાવનાર તેમજ વાહનના માલિક સહિત તપાસમાં જેના નામ ખૂલે તેની સામે ગુનો નોંધવા માટેની તજવીજ હાથ ધરવામાં આવી છે આ કામગીરી એલસીબીના પીઆઇ એમ.પી.પંડયાની સુચના અને માર્ગદર્શન હેઠળ સ્ટાફ દ્વારા કરવામાં આવી હતી.
