Mumbai,તા,04
ભારતીય T20 કેપ્ટન અને મુંબઈ ઈન્ડિયન્સનો સ્ટાર બેટ્સમેન સૂર્યકુમાર યાદવ હાલમાં ફિલ્મ “ધુરંધર”ના ખુમારમાં છે. તે તાજેતરમાં અક્ષય ખન્નાના પાત્ર “રેહમાન ડકેટની” સ્ટાઈલમાં ડાન્સ સ્ટેપ્સ કરતો જોવા મળી રહ્યો છે.
સૂર્યકુમાર હાલમાં IPLમાં રમી રહ્યો છે. તાજેતરમાં, સીઝનની પહેલી મેચમાં, મુંબઈ ઈન્ડિયન્સે કોલકાતા નાઈટ રાઈડર્સ (KKR) ને હરાવીને 2012 પછી પહેલી વાર પોતાની શરૂઆતની મેચ જીતી હતી.
મુંબઈ ઈન્ડિયન્સે સોશિયલ મીડિયા પર એક વીડિયો શેર કર્યો છે જેમાં સૂર્યકુમાર યાદવ “ધુરંધર” ફિલ્મના પ્રખ્યાત ગીત “FA9LA” પર સ્ટેજ પર ડાન્સ કરી રહ્યા છે. MI એ વીડિયોને કેપ્શન આપ્યું છે, “આ દાદાની સ્ટાઈલ છે, સંપૂર્ણ ધુરંધર મોડ.” આ વીડિયો સોશિયલ મીડિયા પર ઝડપથી વાયરલ થઈ રહ્યો છે, અને ચાહકો તેના પર ઉત્સાહપૂર્વક પ્રતિક્રિયા આપી રહ્યા છે.
