Keshod ની સીમમાંથી 42 મણ જીરૂ તસ્કરો ચોરી ગયા

Junagadh તા.10
કેશોદમાં જુનાગઢ બાયપાસ રોડ પર આવેલ વાડીના રૂમનું લોક તોડી કોઈ તસ્કરો રૂા.1.68 લાખનું જીરૂ ચોરી કરી લઈ ગયાની ફરીયાદ નોંધાઈ છે.  કેશોદ સનરાઈઝ ટાવર બ્લોક નં.304માં રહેતા અશ્ર્વિનભાઈ વેલજીભાઈ ભાડજા (ઉ.50) કેશોદ જુનાગઢ બાયપાસ ગૌશાળાની બાજુમાં આવેલ મીતભાઈ અરવિંદભાઈ લાડાણીના ખેતરનું ભાગીયું રાખેલ હોય ચાલુ સીઝનમાં જીરાનો પાક તૈયાર થયેલ હોય જેના 21 બાચકા 42 મણ રૂમમાં રાખેલ હોય જેનો લોક તોડી રૂા.1.68 લાખનું જીરૂ કોઈ ચોરી કરી લઈ ગયાની ફરીયાદ નોંધાવતા કેશોદ પોલીસ સબ ઈન્સ. એમ.ડી. મકવાણાએ તપાસ હાથ ધરી છે.