(મિલાપ રૂપારેલ) Amreli, તા.15
અમરેલી જિલ્લામાં છેલ્લા 3-4 દિવસથી કાળઝાળ ગરમી પડી રહી છે. ત્યારે ગઈકાલે બપોરના લગભગ 1:35 કલાકે અમરેલી ફાયર કંટ્રોલ રૂમ ખાતે ટેલિફોનીક જાણ કરવામા આવેલ હતી કે, અમરેલી જીલ્લાના લાઠી તાલુકાના લુવારીયાથી આસોદર જવાના રસ્તે એક ખેતરમાં ઊભેલાં કપાસ ભરેલા એક ટ્રકમાં કોઈપણ કારણોસર અચાનક આગ લાગવાની ઘટના બનેલ હતી.
આ બનવાની જાણ અમરેલી ફાયર અને ઇમરજન્સી સર્વિસ અમરેલીની ટીમને થતાં જ 12000 લિટર પાણીની કેપેસીટી ધરાવતા એક વોટર બાઉઝર સાથે તુરંત ઘટના સ્થળ પર પહોચી જઈ આગ બુજાવવાની કામગીરી કરી હતી. આ ઘટનામાં કોઇપણ પ્રકારની જાનહાની થયેલ નથી.
આ બનાવમાં ફાયર અને ઇમરજન્સી સર્વિસ અમરેલીની ટીમના અમરેલી રૂત્વિકભાઇ ભિમાણી, હિમતભાઇ બાંભણીયા, કમલેશભાઇ ગિલાતર તથા ધવલભાઇ ચાવડા વિગેરે જોડાયા હતાં.
