Mumbai,તા.15
બોલીવુડનાં જાણીતા ગાયિકા જેના અવાજમાં એક રેશમી જાદુ હતો, પંચ હતો, મીઠાશ હતી અને મહેફિલ જમાવી દે એવા ગીત હતા. આશા ભોસલે એ 92 વર્ષની વયે વિદાય લેતા જાણે બોલીવુડની સંગીતની દુનિયા સુની પડી હોય એવો માહોલ છે.
ઈન્ડસ્ટ્રીમાંથી મ્યુઝિક ડાયરેક્ટરથી લઈને કમ્પોઝર સુધી અને કોરસ ગાયકથી લઈને કલાકારો સુધી સૌ કોઈ એમની સાથેના આશા તાઈને મધમીઠા સ્મરણો શેર કરીને શ્રદ્ધાંજલિ પાઠવી રહ્યા છે. આશા તાઈને શ્રદ્ધાંજલિ રુપે અક્ષય કુમાર, શાહરુખ ખાન, જેકી શ્રોફ, અનુપમ ખેરથી લઈને હેમા માલિની અને ભાગ્યશ્રીએ આપી હતી.
અક્ષય કુમારે પોતાના સોશિયલ મીડિયા પર પોસ્ટ કરતા લખ્યું કે, ઉનકી સુરીલી અવાઝ હમેશાં હમેશા કે લીયે અમર રહેગી. જુબીન નૌટિયાલે પણ આશા તાઈના નિધન અંગે શ્રદ્ધાંજલિ વ્યક્ત કરતી પોસ્ટ મૂકી છે, ઈન્સ્ટાગ્રામ પર પોસ્ટ કરતા લખ્યું હતું કે, વો આવાઝ, જીસને કભી ખામોશી કો રૂહ મેં બદલ દિયા થા, અબ ખુદ ખામોશ બન ગઈ હૈ ભાગ્યશ્રીએ એમના નિધન પર શોક વ્યક્ત કરતા લખ્યું હતું કે, સંગીત જગતમાંથી એક ડાયમંડ ખોવાયો.
ઈશ્વર એમની આત્માને શાંતિ આપે.. ઓમ શાંતિ. ફિલ્મનિર્માતા કરણ જોહરે પોસ્ટ મૂકતા લખ્યું હતું કે, એક લેન્ડ જ્યારે આ દુનિયામાંથી વિદાય લે છે ત્યારે એને શબ્દોમાં વ્યક્ત કરવું સૌથી કઠિન કામ છે.
હેમા માલિનીએ પોસ્ટ મૂકતા લખ્યું હતું કે, મને તો વિશ્વાસ થતો નથી કે, આશાજી હવે આપણી વચ્ચે નથી રહ્યા. ગીતમાં જીવ રેડી દેનાર અને રંગ ભરી દેનારી વ્યક્તિ આપણેને છોડીને ચાલી ગઈ છે. મારા માટે આ સૌથી કપરો સમય છે, કારણ કે આશાજી સાથે મારૂ એક ખાસ ક્નેકશન રહ્યું છે.
એમના અવાજ અને અનોખી શૈલીથી મારા પણ અનેક ગીત ખૂબ લોકપ્રિય થયા છે. લતાજી અને આશા તાઈ સાથે મારો નાતો ખૂબ જ ખાસ રહ્યો હતો. એક્ટ્રેસ પરિણિતીએ સ્ટોરી શેર કરતા લખ્યું હતું કે,આશાજી ફોરએવર.
કિંગ ખાન શાહરુખ ખાને સોશિયલ મીડિયા પર પોસ્ટ લખતા જણાવ્યું છે કે આશા તાઈ અંગે જાણીને બહુ દુખ થયું. તેમનો અવાજ ભારતીય સિનેમાનો પિલર હતો. તેમની ટેલેન્ટ તો અનેક લોકોમાં જીવંત રહેશે અને તેમના હંમેશાં મને આશીર્વાદ મળ્યા એનો આનંદ છે.
આશા ભોસલેએ ગુજરાતી ભાષામાં ગાયેલા ગીતો ખુબ જ લોકપ્રિય થયા છે. તેમાંય, અવિનાશ વ્યાસે લખેલ ગીત ‘મારા રામ તમે સીતાજીની તોલે ના આવો’ તો ખુબજ લોકપ્રિય થયું છે. અવિનાશ વ્યાસે તેમના કંઠનો ખૂબ જ સરસ ઉપયોગ કર્યો છે.
ગુજરાતી ફિલ્મોના સુવર્ણ કાળ દરમિયાન તેમણે ઢગલાબંધ લોકપ્રિય ગુજરાતી ગીતો ગાયા છે. સુગમ સંગીતમાં પણ ગેર ફિલ્મી ગીતો ગાયા છે. ક્ષેમુ દિવેટીયા, અજીત મર્ચન્ટે તેમની પાસેથી સારૂ કામ લીધુ છે.
તેમના વિખ્યાત ગુજરાતી ગીતોમાં છેલાજી રે મારે હાટુ પાટરથી (સોન કંસારી), તારી વાંકી રે પાઘલડી (વીર માંગડાવાળો), સહિત માડી તારૂ કંકુ ખયુર્ં ને, મારા પાલવડે બાંધ્યો, ખમ્મા મારા નંદજીના લાલ, હે રંગલો જામ્યો, મા પાવા તે ગઢથી જેવા અનેક લોકપ્રિય ગીતો આશા ભોસલેએ ગાયા છે.
