Washington,તા.23
હોર્મુઝ જળમાર્ગની નાકાબંધી અને ઈરાન યુદ્ધના નાજુક સીઝફાયર વચ્ચે અમેરિકી નૌસેનાના ટોચના નાગરિક અધિકારી, નૌસેનાના સચિવ જોન ફેલને ટ્રમ્પ પ્રશાસનમાંથી અચાનક રાજીનામુ આપી ટ્રમ્પ પ્રશાસનને ઝટકો આપ્યો છે. પેન્ટાગોને ગઈકાલે નિવેદન જાહેર કરી કહ્યું હતું કે ફેલને તાત્કાલીક અસરથી પોતાનું પદ છોડયું છે.
પેન્ટાગોને આ અચાનક ફેરફારનું કોઈ કારણ નથી બતાવ્યું. પેન્ટાગોનના પ્રવકતા શોન પાર્નેલે તેમની સેવાઓ માટે ધન્યવાદ કહ્યું હતું. આ અચાનક રાજીનામુ એ દિવસે આવ્યું છે, જયારે ફેલને વોશિંગ્ટન ડીસીમાં નૌસેનાના વાર્ષિક સંમેલનમાં મોટી સંખ્યામાં નાવિકો અને ઉદ્યોગ જગતના પ્રતિનિધિઓને સંબોધન કર્યુ હતું અને પત્રકારો સાથે પોતાના એજન્ડા પર ચર્ચા કરી હતી.
ફેલનનું રાજીનામુ રક્ષા સચીવ પીટ હેગસેથ દ્વારા સેનાના ટોચના અધિકારી જનરલ રેન્ડી જયોર્જને બરખાસ્ત કરાયાના કેટલાક સપ્તાહ બાદ આવ્યું છે. હેગસેથે ગત વર્ષે પદ સંભાળ્યા બાદ અનેક વરિષ્ઠ જનરલો, એડમિરલો અને રક્ષા નેતાઓને હટાવ્યા છે.
અન્ય બર્ખાસ્તીઓની જેમ પેન્ટાગોને ફેલનના રાજીનામા માટે કોઈ અધિકૃત કારણ નથી જણાવ્યું. ઉલ્લેખનીય છે કે ફેલન ટ્રમ્પના ચુંટણી અભિયાનના મુખ્ય દાનદાતાઓ પૈકી એક હતા.
